影片
更多
2019-01-29
964 浏览
還有不足一個星期就到農曆新年，唔知大家諗好左去邊度食團年飯或者開年飯未呢？聽朋友講，佢幫襯開嗰間酒家，團年飯不但要分兩輪入座，而且人多又迫。其實食團年飯又唔一定要上酒樓嘅，就好似筆者咁，今年的團年飯就揀左去港島太平洋酒店「中西．環」食 Buffet。講真，每次嚟都好有驚喜，因為這裡的自助晚餐，不但種類多樣化、選擇夠豐富，而且更經常轉換不同的主題，新鮮感十足，一定可以滿足到不同朋友的需求。其實嚟之已經瀏覽過網頁，得知餐廳為了配合新春佳節，於 1 月 14 日至 3 月 31 日期間，推出「潮食海味」海鮮自助晚餐，除了供應多款冰鎮海鮮和潮州經典美食之外，更以珍饈海味入饌，炮製出一系列極具意頭及應節的新春佳餚，啱曬新年享用。 很喜歡這裡的晚市自助餐，6:15pm 就開始，非常適合愛吃早飯的我們，事不宜遲馬上開餐。先由海鮮區出發，這裡的冰鎮海鮮，款式甚多，除了有濕潤富光澤翡翠青口、鹹鮮十足的鱈場蟹腳、爽彈有口感的翡翠螺外，還有肉嫩鮮甜的波士頓龍蝦、厚肉飽滿的藍青口、彈牙的熟蝦和蜆隻等，海鮮迷應該很滿足。海鮮區隔離係自助沙律吧，內有多款新鮮沙律菜、西蘭花、車厘茄、青瓜同甘筍等，另外還有數款已預先
其實嚟之已經瀏覽過網頁，得知餐廳為了配合新春佳節，於 1 月 14 日至 3 月 31 日期間，推出「潮食海味」海鮮自助晚餐，除了供應多款冰鎮海鮮和潮州經典美食之外，更以珍饈海味入饌，炮製出一系列極具意頭及應節的新春佳餚，啱曬新年享用。
很喜歡這裡的晚市自助餐，6:15pm 就開始，非常適合愛吃早飯的我們，事不宜遲馬上開餐。先由海鮮區出發，這裡的冰鎮海鮮，款式甚多，除了有濕潤富光澤翡翠青口、鹹鮮十足的鱈場蟹腳、爽彈有口感的翡翠螺外，還有肉嫩鮮甜的波士頓龍蝦、厚肉飽滿的藍青口、彈牙的熟蝦和蜆隻等，海鮮迷應該很滿足。
海鮮區隔離係自助沙律吧，內有多款新鮮沙律菜、西蘭花、車厘茄、青瓜同甘筍等，另外還有數款已預先調配好的沙律和烏冬。
旁邊冷盤區的巴馬火腿配時令蜜瓜同滷水豬耳凍肉批亦不容錯過，將蜜瓜捲於極薄的巴馬肉片中間，入口一鹹一甜，味道恰到好處。凍肉批吃起來好似水晶肴肉咁，既爽滑又彈牙，加上豬耳本身的豐腴油脂凝結在表面，形成一層清透淡雅的啡色，配以用花雕酒製成的啫喱，入口酒香四溢。
刺身全部即點即切，共有五款，除了有我最愛的三文魚，另外仲有吞拿魚、希靈魚、立魚同八爪魚。三文魚切得雖然唔算好大片，但色澤鮮明、油潤肥美，食落好有口感。另外仲有兩款卷物，Size 雖然不大，但用來過下口癮亦唔錯。
湯品共有兩款，一中一西，包括有野菌燉雞湯同南瓜湯。野菌燉雞湯用料勁足，用上原盅燉，盡鎖食材原味，令湯水更加滋補醇厚，飲得出無落味精，雞肉腍而不爛，有自然肉香。
熱盤方面，先主攻幾款潮州經典美食同珍饈海味，當中包括有潮式滷水拼盤、韭菜豬紅、潮州蠔餅、潮式生滾粥、瑤柱蹄筋燴時蔬、鮑汁海參燜北菇。這晚的滷水食物，花款非常之多，包括有滷水鵝片、滷水豆腐、滷水墨魚、滷水紅腸、滷水蛋、滷水鵝掌、滷水豬腩肉、潮州凍烏頭等。個人最喜愛就是當中的鵝片，啖啖肉、完全無骨，咬下肉嫩不羶。鵝掌亦很有水準，骨位非常入味，加上滷水汁調校得十分出色，不會死鹹，入口甘甜帶香。
蠔餅鬆化香脆，食落一點也不油膩，火候控制得唔錯，而且用料十足，每啖都可以嘗到粒粒肥美、飽滿多汁的蠔仔，入口外層香脆，內裡保持軟綿，吃時蘸上魚露，風味十足。
每次去潮州菜館吃飯，必定會點窩蠔仔粥，見呢度有潮式生滾粥供應，當然唔可以走寳。生滾粥即叫即製，拿上手時仍熱辣辣，粥底又綿又滑，鮮味非常突出，色香味俱全，而且最正就係有幾款口味可供選擇，包括方魚肉碎、蠔仔、海蝦同鹹菜豬肚粥，啱曬一家大細嚟食。
食完幾款潮州美食，就輪到試下以珍饈海味入饌的菜式。呢兩款係瑤柱蹄筋燴時蔬同鮑汁海參燜北菇，前者其實係瑤柱扒西蘭花，不過加左勁量蹄筋，感覺更加矜貴。西蘭花煮得翠綠爽口，加上含豐富膠質的蹄筋同惹味的芡汁，味道一流。至於鮑汁海參燜北菇亦煮得非常入味，最愛吃當中的海參，含豐富膠原蛋白，滋陰養顏；醬汁香氣濃郁，味道甜鮮清爽又不膩。
至於其他熱盤就仲有燒西冷牛肉、慢燒蝦醬美國豬肋骨、滷水牛尾配芝士意大利飯、香草焗鱸魚、洋蔥炒馬鈴薯、意式扒雜菜、招牌薄餅等。
另外凡惠顧的食客，每位均可免費獲贈一份海鮮鮑魚一口酥。成品用上原隻鮑魚入饌，鮑魚入口軟腍味濃，自製的酥皮釀入了蝦肉及菇菌作餡料，食落既鬆化又充滿牛油香，層次分明，一口一件，吃得十分滿足！
又嚟到甜品時間，大部份都好有驚喜，材料配搭非常之有新鮮感。呢款係燕窩花生醬慕絲餅，內層的花生醬慕絲，味道既香醇又濃郁，甜美細膩，入口夾雜著淡淡果仁香，面頭的鏡面朱古力，光滑又唔過甜，加上燕窩作點綴，倍添矜貴。
另外呢兩款係紅棗花膠燉3.6牛乳同蟲草花紅棗糕，花膠作為海八珍之一，滋補效果廣為人知，傳統的做法是做成燉湯，不過呢度的甜品師就將佢加入牛奶，做成奶凍，入口滑嘟嘟，配埋補氣養血的紅棗，絕對是滋補養顏的珍品。另外蟲草花紅棗糕亦甜而不膩，咬下煙煙韌韌，配上有潤肺補腎功效的蟲草花，甘香甜美。
今次有幾款以茶入饌的甜品亦非常值得推介，包括烏龍煮香梨、花旗參蜂蜜綠茶卷、鐵觀音奶凍，記得一定要留肚食。至於其他甜食就仲有香芒椰子慕絲蛋糕、奶皇蓮蓉水晶包、豆腐花、芝麻糊、冰脆龍鬚糖、麥芽糖餅、XO 醬櫻花蝦雞蛋仔、雀巢雪糕同 Häagen-Dazs 等，只可惜無四個胃，食完真係飽到上心口。順帶一提：「潮食海味」海鮮自助晚餐
供應日期: 2019年1月14日至2019年3月31日
供應時間: 晚上6時15分至9時30分
網上付款有折扣優惠
张贴
