影片
更多
2008-05-31
6 浏览
「兩老」陪我到中旅社搞少少手續, 陪我戇居居等了差不多 45 分鐘, 搞掂後同佢0地0黎食個 tea. 揀呢度主要因為 1) 環境比較舒服好坐, 2) 份量比較 light, 唔使怕之後食唔落晚飯, and more importantly 3) 要止止我的甜品癮. - 先0黎杯熱 cappuccino, 隻杯好靚, 未飲已聞到好香 cinnamon 味! 味道幾香濃, 不過本身唔夠熱 (真大鑊 -_-"), 搞到溶唔晒 d 咖啡糖, 飲到最後一啖甜到甩牙, 都幾吹脹.阿爸叫了杯凍的椰子咖啡, 賣相好漏, 佢亦話杯0野好 creamy, 唔知味道如何呢?- 芝士煙肉焗青口一客 6 隻, 薯茸墊底, 賣相同味道都非常大路 -- 白汁稀稀的, 芝士味淡薄, 煙肉無乜味道; 青口幾好肉地不過又係無乜味道; 薯茸幾乾幾0鞋口. 整體味道非常麻麻, 唯一好 (?) 處就係唔 heavy.- 焗芒果香蕉 pancake: 賣相幾靚, 不過唔係咁好食 -- 入面係上層蛋糕, 下層芒果 + 香蕉, 芒果同香蕉都唔甜, 蛋糕 layer 則乾爭爭又無味, 唔得. 我都係鍾意「傳統」餡 (ie
- 先0黎杯熱 cappuccino, 隻杯好靚, 未飲已聞到好香 cinnamon 味! 味道幾香濃, 不過本身唔夠熱 (真大鑊 -_-"), 搞到溶唔晒 d 咖啡糖, 飲到最後一啖甜到甩牙, 都幾吹脹.
阿爸叫了杯凍的椰子咖啡, 賣相好漏, 佢亦話杯0野好 creamy, 唔知味道如何呢?
- 芝士煙肉焗青口一客 6 隻, 薯茸墊底, 賣相同味道都非常大路 -- 白汁稀稀的, 芝士味淡薄, 煙肉無乜味道; 青口幾好肉地不過又係無乜味道; 薯茸幾乾幾0鞋口. 整體味道非常麻麻, 唯一好 (?) 處就係唔 heavy.
- 焗芒果香蕉 pancake: 賣相幾靚, 不過唔係咁好食 -- 入面係上層蛋糕, 下層芒果 + 香蕉, 芒果同香蕉都唔甜, 蛋糕 layer 則乾爭爭又無味, 唔得. 我都係鍾意「傳統」餡 (ie 水果 + cream) 的 pancake 多 d.
- 熱紅豆酥盒: 其實係紅豆餡的酥餅, 旁邊淋上粒粒甜紅豆及 sauce, 再搭一個 scoop 紅豆雪糕... 酥餅其實唔係咁熱, 不過夠晒「酥」, 一拮即碎, 十足之前0係九龍城「小店」食過的 Napoleon, 食落亦鬆脆, 唔錯; 紅豆香甜, 配上同樣香甜的紅豆雪糕, 加加埋埋幾好食. 見佢個賣相仲以為會好甜, 但我覺得甜度係適中的, 唔錯唔錯.
2 樓 (有窗0個層) 環境 ok, 雖然比 1 樓嘈, 但俾人好「閒 hea」0既感覺, 梳化椅亦好坐, 幾舒服; service 就麻麻, 店員們有求唔係必應, 而且有好多簡單0野都唔識自動做 (e.g. 斟水, 換碟, 收碟), 感覺唔係咁好.
埋單約 $80 一個頭, 唔平, 而且係得個紅豆酥盒叫做幾好食, 抵唔抵真係見仁見智... 阿媽話齋,「旺角0黎講, 佢 (環境) 算係咁0架喇」, 不過我相信下次再來的話, 都只會食甜品了.
张贴
