梁慶記

营业中

休息中

夜晚行旺角，朋友仔話不如去呢間試試，聽聞連續四年獲得澳門米芝蓮街頭美食推介。招牌菜包括蝦籽撈麵，麵條Q彈，帶點咬口，蝦籽份量十足，性價比高。招牌豬扒喇沙湯米粉要咗BB辣，味道啱啱好，豬扒嫩滑，湯底惹味，整體搭配都幾唔錯。街頭魚蛋麵就叫咗幼麵，估唔到最鍾意係呢款，湯底清淡，帶鹹香氣，簡單又飽肚嘅Option。除咗麵呢度都有幾款飯，我會推介咖哩雞扒飯，咖喱香濃，醬汁夠多，足以撈飯，雞扒好嫩，點咖喱食都幾夾。另外小食選擇都唔少，細細份可以同朋友仔開心Share。