影片
更多
2021-02-20
116 浏览
之前係旺角等朋友就去左位於T.O.P (This is Our Place)嘅餐廳LAB EAT Restaurant & Bar坐低食個下午茶，以「實驗」菜式嘅精神去貫徹菜式，果然係名不虛傳！芒果拿破崙 + 馬卡龍 ＋ 熱檸檬茶 ＄98 (下午茶SET)拿破崙千層酥係一款大家都耳熟能詳嘅法式甜品，但你要整得好食整得出眾就唔容易LA。LAB EAT嘅芒果拿破崙係外表上好似無咩特別咁，但係食落就知道呢度嘅甜品師傅好有功架，佢嘅千層酥做得好鬆脆，鬆脆得黎入口一咬即碎即化而又完全無油膩感，做得十分之輕身，牛油嘅香氣會慢慢係口腔中蔓延。芒果吉士部分做得好細好幼滑，芒果嘅果甜無被吉士嘅味道覆蓋，跟千層酥嘅牛油香結合，酥皮嘅剛、夾心嘅柔兩種口感融合一體。馬卡龍有兩款口味 — 抹茶同埋杏仁，唔會太甜切合香港人口味，夾心好creamy，夾餅做得入口咬開會溶化，不錯。杏仁果一款嘅餅身甚至加入左杏仁碎，至於抹茶果一款就係餅身上撒上抹茶粉，兩粒都唧上左朱古力作少少裝飾，小小嘅馬卡龍都加入心思值得一讚！總結，LAB EAT Restaurant & Bar嘅甜品做得細緻有心思，唔會太花巧反而係走簡而精嘅路線
芒果拿破崙 + 馬卡龍 ＋ 熱檸檬茶 ＄98 (下午茶SET)
拿破崙千層酥係一款大家都耳熟能詳嘅法式甜品，但你要整得好食整得出眾就唔容易LA。LAB EAT嘅芒果拿破崙係外表上好似無咩特別咁，但係食落就知道呢度嘅甜品師傅好有功架，佢嘅千層酥做得好鬆脆，鬆脆得黎入口一咬即碎即化而又完全無油膩感，做得十分之輕身，牛油嘅香氣會慢慢係口腔中蔓延。芒果吉士部分做得好細好幼滑，芒果嘅果甜無被吉士嘅味道覆蓋，跟千層酥嘅牛油香結合，酥皮嘅剛、夾心嘅柔兩種口感融合一體。
馬卡龍有兩款口味 — 抹茶同埋杏仁，唔會太甜切合香港人口味，夾心好creamy，夾餅做得入口咬開會溶化，不錯。杏仁果一款嘅餅身甚至加入左杏仁碎，至於抹茶果一款就係餅身上撒上抹茶粉，兩粒都唧上左朱古力作少少裝飾，小小嘅馬卡龍都加入心思值得一讚！
總結，LAB EAT Restaurant & Bar嘅甜品做得細緻有心思，唔會太花巧反而係走簡而精嘅路線。餐廳嘅環境好寫意，以簡約木系帶輕奢華嘅風格作裝潢，好適合大家黎慢慢享受一個下午茶嘅時間！
张贴
