一星期都有幾日會外出食lunch∼中午時間經常見到原來有lunch set + 餐湯任飲，價位$40-$58 ，最平係意粉、沙津，最貴就係牛扒，價位已包埋飲品。
今日任飲有南瓜忌廉湯，自助的，值得一讚，午餐時間湯品夠熱，足料南瓜湯，又甜又濃厚，飲左兩碗。
「卡邦尼意粉 $40」上枱已聞到陣陣芝士香，醬汁香而不咸，意粉質地彈牙有咬口，配料煙肉份量都算多，整體黎講抵食，以午餐質素絕對收貨。
同事的雞扒意粉$48，同樣不錯，超多蒜的醬汁，香氣撲鼻！
餐廳有卡位，座位舒服。
我們午餐又多個好地方了，平靚正∼
