浦東蒲西 (裝修中)

就算上左年紀，都可以唔認老，一樣照蒲，就算係上海菜都可以大玩新派菜式，呢間經典上海菜餐館「浦東蒲西」保留傳統文化之餘，將有舊有味道演釋得更多元化，呢d就係創新既好處。👇🏻📌人 氣 推 介 -▪️ 招 牌 小 籠 包 - $68/4隻▫️ 第一個必食呢個「招牌小籠包」，一籠四隻即叫即蒸，一上枱已經知每隻都充滿湯汁，入口口感非常飽滿，而外層略帶濕潤感，厚薄適中，輕輕係頂位咬開，裡面肉汁瞬間爆發，相當juicy。▪️ 嫩 雞 煨 麵 - $68▫️ 第二道必食就係「嫩雞煨麵」，就咁睇賣相呈奶白色湯底，麵條軟滑略有咬口，就算飲多左D湯都唔覺得口渴，係純純正正鮮雞湯香味，而雞肉亦夠嫩滑，性價比高。▪️ 薑 粒 蛋 白 菜 炒 飯 - $168▫️ 另外嗌左個「薑粒蛋白菜炒飯」同朋友一齊share，蛋白份量十足，食落口感滑溜，炒飯炒到相當乾身，粒粒分明，每一啖飯都極具鑊氣，加上飯身夾雜住d薑粒、菜粒，份外惹味。▪️ 雙 蔥 爆 牛 肉 - $148▫️ 最後一道「雙蔥爆牛肉」亦有驚喜，牛肉份量絕對唔姑寒，食落相當入味，口感嫩滑完全唔韌，而京蔥爆得夠哂香口，送飯一流。