影片
更多
2020-02-07
15 浏览
牛可以話係人類有史以來不可缺少既一部份，但要食得夠尖，又得唔得呢？一般既串燒店可能未必有，但銅鑼灣呢間「牛惣居酎屋」就專以牛黎做主題既串燒，而全部都係以鹽燒方式處理。講求既係希望以市面好少有既唔同部位，例如係牛內臟，滿足一眾牛迷既慾望，而除左牛肉，當然有其他居酒屋必有既主食，好似刺身、雞肉、海鮮串燒等等。而今晚就適逢佢地做緊Happy Hour Menu， 部份串燒比平時原價平更多，真係嗌幾多食幾多都仲得呀！👇📌Happy Hour Menu - (During 17:30-19:00)🔷一本 · $23▪ Wasabi橫隔肌 ▪ 蒜香橫隔肌 ▪ 黑燒橫隔肌▪ 蜜糖芥辣橫隔肌▫ 而第一道串燒由從未試過既橫隔肌打頭陣，以四款香料配搭唔同口味，Wasabi加上洋葱碎調味，入口帶陣陣辛辣，好過癮；蒜香配上酸汁調味，入口做到齒頰留香，啖啖惹味；黑燒以自家製芝麻醬將牛肉香帶出，好特別既配搭；蜜糖芥辣帶少少甜得黎，又會刺激返牛既鮮香味，認真唔錯。總括黎講，橫膈肌食落好有咬口，牛味亦濃厚，必食推介！🔷一本 · $18▪ 牛沙瓜▪ 牛草肚▪ 牛肋條▪ 牛腱▫ 另外幾款只係$18就有
一般既串燒店可能未必有，但銅鑼灣呢間「牛惣居酎屋」就專以牛黎做主題既串燒，
而全部都係以鹽燒方式處理。講求既係希望以市面好少有既唔同部位，例如係牛內臟，
滿足一眾牛迷既慾望，而除左牛肉，當然有其他居酒屋必有既主食，好似刺身、雞肉、海鮮串燒等等。
而今晚就適逢佢地做緊Happy Hour Menu， 部份串燒比平時原價平更多，真係嗌幾多食幾多都仲得呀！👇
📌Happy Hour Menu - (During 17:30-19:00)
🔷一本 · $23
▪ Wasabi橫隔肌
▪ 蒜香橫隔肌
▪ 黑燒橫隔肌
▪ 蜜糖芥辣橫隔肌
▫ 而第一道串燒由從未試過既橫隔肌打頭陣，以四款香料配搭唔同口味，Wasabi加上洋葱碎調味，入口帶陣陣辛辣，好過癮；
蒜香配上酸汁調味，入口做到齒頰留香，啖啖惹味；黑燒以自家製芝麻醬將牛肉香帶出，好特別既配搭；
蜜糖芥辣帶少少甜得黎，又會刺激返牛既鮮香味，認真唔錯。總括黎講，橫膈肌食落好有咬口，牛味亦濃厚，必食推介！
🔷一本 · $18
▪ 牛沙瓜
▪ 牛草肚
▪ 牛肋條
▪ 牛腱
▫ 另外幾款只係$18就有一串既牛沙瓜，姐係牛既第4個胃，外皮燒到香脆嫩滑，入口煙韌非常有彈性；
而牛草肚口感軟腍，配搭餐廳自家製既麵豉醬同埋牛肝醬，份外惹味；牛肋條、牛腱食落爽口彈牙，配埋日式Shochu就最夾不過啦。
▪ 雞尾
▪ 雞軟骨
▫ 呢個Happy Hour Menu除左招牌牛串燒外，雞亦都燒得相當出色，前者雞尾咬落爽口唔油膩，
口感十足；雞軟骨唔會太軟淋，非常脆口，食落完全無渣，食得過！
▪ 厚揚
▪ 芝士翠玉瓜
▫ 厚揚其實姐係厚炸豆腐，呢到將豆腐炸到個質感相當滑身，新鮮滾熱辣擺入口，裡面吸收埋醬汁，
做到相當惹味；而芝士翠玉瓜表面香脆，一咬落去d汁多到爆哂出黎，加埋啖啖芝士香，無得頂呀！
🔷非串燒類 -
▪ 荷蘭大啡菇 - $30
▪ 咸牛肉燒飯團 - $20
▫ 原隻大啡菇燒出黎完全唔乾身，入口仲相當Juicy，鮮味仲係哂到，果然無點錯；
傳統既日式既燒飯團配上咸牛肉餡料，外脆內軟，顯得師傅燒烤技術頂級超卓，唔會整到好似飯焦咁硬，抵讚。
📌串燒單點 -
▪ 牛膀 - $34
▪ 牛筋 - $36
▪ 馬蹄牛肉卷 - $36
▫ 難得遇到一間牛主題既串燒店，作為牛迷當然唔可以比佢停啦。再黎既單點串燒都係師傅即叫即燒，
牛膀相當入味，質感沙軟中帶一點咬口，正！；牛筋燒得夠嫩滑，入口充滿膠質；馬蹄牛肉卷好特別，
咬落馬蹄粒爽口甘甜，對串燒黎講係一個幾有突破既！
▪ 牛面 - $38
▪ 牛心管 - $34
▫ 真係打邊爐就試過食牛內藏，串燒反而第一次試，牛面肉燒到好有肉香，咬落唔會話好多筋，岩岩好；
牛心管其實係牛既大動脈，係極之罕有，人一世物一世，你一定要試！
📌任飲6款燒酌 - $98/位
👉聽Staff講而家全日都有供應每位燒酌放題，以6款招牌燒酌包括芝麻、紫蘇、蕃薯、米、麥、
日式泡食。前四者為主要餐廳固定提供，另外兩者會因應季節性而作出變動，相當抵食。
张贴
