天一丼 (已結業)

之前已經嚟過呢間燈籠街新日本餐廳，於是乎禮拜六晏晝冇嘢做就再去試下。兩個禮拜冇黎好似多咗一啲廚師推介，於是乎決定試下個三文魚漢堡同埋叫番啲最傳統嘅日本Donburi先。今次嚟有個新發現，原來張凳好過癮，下邊有個位可以用來放手袋或者外套，都幾細心。不過裏面啲裝修就好似單調咗少少！首先嚟嘅係三文魚漢堡，D魚同埋醬汁加埋個味道好夾，佢地將個飯做到好似一個漢堡扒，一口咬落去十分好味，大細剛好。之後就嚟個「他人丼」，佢哋啲米都幾香，質素真係十分唔錯，牛肉同埋D汁都好好味，絕對不是整定晒嗰種，真材實料。今次嘅經驗好好，銅鑼灣唔使一百蚊可以食得到咁既質素都十分之唔錯，其實都真係幾難搵。下次再來試多幾款唔同嘅食物，再同大家匯報啦。