海街丼 (海光街) (已搬遷) 新店位置

之前有好多同事去開鰂魚涌上堂都同我介紹話個度有間好正既日本丼飯店，今晚我咁arm去開個頭攞野就決定試下佢地口中既呢間日本野喇。佢係係海光街，由鰂魚涌地鐵站行去都係5分鐘左右，地點方便易搵。呢度既門面好傳統日式風格，入面地方唔大，座位有限，但係裝修有格調，環境舒服。Menu呢度主打丼飯，上網睇返原來佢係東京既過江龍，係日本好出名既，個老細係築地做魚類批發，所以d刺身新鮮有保證，仲係每日由築地新鮮直運到香港，唔經買手，所以價錢仲好抵食tim。海宝丼（特上）$210呢個海宝丼係呢度既招牌，有蟹肉、海膽、牡丹蝦、三文魚籽、蟹籽，仲有鋪滿左切粒既時令刺身tim，大大碗好抵食，刺身新鮮鮮甜，飯粒煙韌嚼口。店員會介紹個丼飯，仲會教埋呢度既獨特食法，除左可以淋醬油食海鮮既原味之外，仲可以加由壽司醋整成既壽司醋啫喱，令成個丼丼更有咬口同飯香，最後仲可以加埋秘制既鯛魚湯變成茶泡飯，食落香濃仲別有一番味道如果係大食既，呢度加飯仲唔駛加錢tim，一丼三食，真係抵呀