西餐大排檔 (已結業)

經同行其中一位好朋友介紹黎左呢間西餐廳，聽講係一位好出名既大廚開既。雖然間餐廳唔算太大，但燈光柔和感覺好舒服，可以比我地暢所欲言！介紹下最值得推介個幾款菜先。女仔食飯叫款蔬菜類食下就少不免嫁啦，要健康呀嘛。呢個煙肉清酒炒椰菜好有意外驚喜。佢唔係普通炒菜咁簡單，食落去有好香既煙肉鹹香味，又唔會炒得太老淋晒咁，d椰菜依然保留翠綠色，炒得好乾身呢！一大班人食飯除左多數會叫紅肉之外，其實白肉都係一個唔錯既選擇嫁！我就提議叫檸檬智利深海鱸魚柳啦。魚肉煎得好香好滑，再擠少少檸檬汁一齊食更可帶出魚肉既鮮味。旁邊仲有少少沙律菜伴碟嫁。冇骨既魚柳就啱晒好似我呢d懶人啦。女仔食飯點可以唔叫甜品呀。我地就叫左個比較特別d既，日本原隻菠蘿雪葩。雪葩比起雪糕相對冇咁甜。最滿意既係餐廳好有誠意咁用一整個菠蘿造出呢款甜品，食落去係好清新既菠蘿味，仲夠晒冰凍添！