曼谷水門海南雞飯 (已結業)

係香港地一街都係海南雞飯，個個都話自己點樣正宗點樣好食，尤其是門面愈靚既泰國餐館，一樣令我失望而回。不過想食到最地道風味既，或者係新蒲崗呢間小店「曼谷水門 ·海南雞飯」幫到你。雖然呢到無最鼎盛既裝潢，不過話明食野，最緊要就係野食行先啦，佢地既海南雞非常馳名，每日都有大批街坊掃貨斬料，咁你知咩料啦！👇📌招 牌 · 三 寶 -▪ 海南雞 · 飯 - $30▫ 平民小檔一樣做得出色，先講佢地既雞肉份量比到足，件件肥瘦相間，淨係賣相都覺得好嫩滑；而食落肉質腍滑，唔會太乾同埋太嚡，呢點真係要大讚！加埋餐廳用既係自家製黃油飯，所以食落鹹香特別突出，口感帶黏身，特別好食。▪ 芒果 · 糯米飯 - $18▫ 第二樣法寶就係非常精緻既芒果糯米飯，最吸晴就係充滿視覺享受既芒果，滿滿咁蓋住成個黑白糯米飯。兩種口感混合得黎毫無違和感，煙煙韌韌，飯粒唔會太硬身；加上豐富既椰奶做配搭，刺激芒果既鮮甜味，即刻忍唔住嗌多份呀！▪ 青木瓜 · 沙律 - $12▫ 最後不得不試埋佢地青木瓜沙律，清新一下味蕾之餘，又可以解膩，而且價錢貼地，絕對係性價比之首！