影片
更多
2023-04-03
37 浏览
《 銅鑼灣手掌咁大澳洲鮑魚鐵板燒 》୨୧┈┈┈┈┈┈┈┈┈┈┈┈┈┈┈┈┈┈┈┈ ୨୧一間銅鑼灣新開嘅日本餐廳，同時間有得omakase 或者鐵板燒，我哋就比較少食鐵板，依間鐵板燒餐廳有別於其他一般鐵板燒，注重少油少鹽，節奏比較慢，食完一碟之後先再煮，確保食物溫度，因為好似海鮮咁呀凍咗就唔係咁好！午市澳洲鮑魚二人前澳洲鮑魚(450g) 大虎蝦兩隻清酒煮蜆主菜方面分別有三種選擇日本黑豚肉薄燒$1450/2位美國牛肉厚燒+薄燒$1450/2位A4日本和牛厚燒/2位以上所有套餐都會包括炒野菜，炒飯，麵豉湯，漬物，甜品即炸蒜片，一陣濃郁嘅蒜蓉味蔓延喺成個餐廳，未食已經覺得胃口大開好肚餓！黑金鮑魚三食，一開始係食左中間切片同海草一齊食，建議只係食咗鮑魚先，本來已經落咗少少黑椒佢調味，可以由淡至濃去試個咁大隻嘅鮑魚，唔點任何醬料其實個鮑魚鮮味已經好足夠，之後再配搭上一個橙色嘅海鮮醬，味道酸酸甜甜，鮑魚雖然切咗薄片，口感煙韌爽口彈牙等我哋食晒切片，佢先開始做另外一碟，個尾部分切粒，向上黑松露醬料，口感更加厚實爽彈豐富，味道亦更加濃郁鮑魚旁邊位置，雜香草同青檸，食落去似海參咁嘅口感，因為本身呢個位置
୨୧┈┈┈┈┈┈┈┈┈┈┈┈┈┈┈┈┈┈┈┈ ୨୧
一間銅鑼灣新開嘅日本餐廳，同時間有得omakase 或者鐵板燒，我哋就比較少食鐵板，依間鐵板燒餐廳有別於其他一般鐵板燒，注重少油少鹽，節奏比較慢，食完一碟之後先再煮，確保食物溫度，因為好似海鮮咁呀凍咗就唔係咁好！
午市澳洲鮑魚二人前
澳洲鮑魚(450g)
大虎蝦兩隻
清酒煮蜆
主菜方面分別有三種選擇
日本黑豚肉薄燒$1450/2位
美國牛肉厚燒+薄燒$1450/2位
A4日本和牛厚燒/2位
以上所有套餐都會包括炒野菜，炒飯，麵豉湯，漬物，甜品
即炸蒜片，一陣濃郁嘅蒜蓉味蔓延喺成個餐廳，未食已經覺得胃口大開好肚餓！
黑金鮑魚三食，一開始係食左中間切片同海草一齊食，建議只係食咗鮑魚先，本來已經落咗少少黑椒佢調味，可以由淡至濃去試個咁大隻嘅鮑魚，唔點任何醬料其實個鮑魚鮮味已經好足夠，之後再配搭上一個橙色嘅海鮮醬，味道酸酸甜甜，鮑魚雖然切咗薄片，口感煙韌爽口彈牙
等我哋食晒切片，佢先開始做另外一碟，個尾部分切粒，向上黑松露醬料，口感更加厚實爽彈豐富，味道亦更加濃郁
鮑魚旁邊位置，雜香草同青檸，食落去似海參咁嘅口感，因為本身呢個位置嘅海水味已經好濃郁會比較咸，口感上完全唔同比較啫喱同Q彈，真係好特別
虎蝦
真係好大隻，亦都係冇落鹽牛油等，但海水味好濃，只係落左少少白酒，唔需要落額外調味料，新鮮鮮甜好彈牙！最特別嘅係佢會挑出蝦頭部位嘅肉，味道絕對係最濃郁！
昆布櫻花蝦乾辣椒絲清酒煮蜆
見佢一邊煮，一打開殼就坽出黎，
隻隻都肥美鮮美，脹卜卜咁！
突然之間就倒出一大篇蒜蓉，睇到仲以為係白飯，原來係炒香佢同牛肉一齊食，同時間亦都烘香脆個蝦頭同麵包
安格斯牛柳
牛肉味道濃郁，口感嫩又多汁，加左佢哋餐廳特製醬汁配合洋蔥同蘋果，清新酸甜解膩，在配搭脆蒜，
肉眼薄燒
薄切肉眼，香蔥，蒜蓉，洋蔥
同配料包裹係一齊食落多口感！
炒飯
牛肉碎、菜心粒、蝦乾、蛋粒
加上頭先食剩嘅蝦頭同埋鮑魚內臟，
再加上荷包蛋，有少少流心
雜抄
蔬菜菜心，椰菜，豆芽，菇類
有翻少少菜食都幾好
令到整個菜單更加完美！
焦糖多士配雪糕
煎到香脆的多士，配上黃糖玉桂粉牛油，
再切到一條條，然後可以揀選有子說吧，黑芝麻，抹茶，豆腐雪糕
如果唔想錯過其他好介紹，記得follow我呀😘
多謝大家！！！
∴∵∴ ୨୧ ∴∵∴ ୨୧ ∴∵∴ ୨୧ ∴∵∴୨୧ ∴∵∴ ୨୧ ∴∵∴ ୨୧ ∴∵∴
醉月 (銅鑼灣)
銅鑼灣恩平道42號亨利中心9樓
∴∵∴ ୨୧ ∴∵∴ ୨୧ ∴∵∴ ୨୧ ∴∵∴୨୧ ∴∵∴ ୨୧ ∴∵∴ ୨୧ ∴∵∴
张贴
