麵鮮醬油房周月 (景隆街) (已結業)

除咗拉麵，沾麵店喺香港都越來越多！聽講穫米芝蓮推介嘅「周月」 原來已經開咗好多年，今次都係第一次食。除咗沾麵都有拉麵選擇， 沾麵仲可以揀份量，啱晒細食同大食嘅人🤣麵底仲可以揀熱麵或涼麵，夏天唔想咁熱就記得揀涼麵啦！食沾麵最緊要講個醬汁，佢嘅湯有魚嘅鮮味，味道好濃，鍾意重口味嘅朋友就啱晒，個麵吸晒啲汁好入味！不過由於太濃同真係幾油，食幾啖已經有啲膩嘅感覺，如果食開清淡嘅朋友應該唔係好頂得順😅 麵條比較粗身，口感適中。糖心蛋都好味。豚肉都幾林。拉麵麵條幼身啲，湯底都係好濃味，但就冇沾麵個醬汁咁油。