露面手工拌麵料理

营业中

休息中

食過幾次露面，價錢係灣仔黎講算中等，但食過就知佢地份量都幾多，所以性價比頗高。適逢最近大家好興食蟹，所以我都黎左露面食佢既鎮店蟹皇拌麵。呢到好多時都坐滿，坐位唔算寬敞，不過就枱比較多，唔駛等好耐位。🔹鎮店蟹皇拌麵🔹滿懷期待黎食呢個，果然冇令我失望～蟹皇茨汁同麵分開上，拌麵汁金黃色好吸引，幾濃稠甘香，可以食到入面一絲絲蟹肉，而且鹹淡適中，食晒都冇感覺好heavy。🔹秘製香糟醉雞🔹有驚喜，淡淡花雕香味，入口冇酒既苦澀，有一點甜甜地，加上雞肉嫩滑，非常好味。🔹野生松茸鮮雞湯🔹食拌麵點都要配碗熱湯，十分推介呢到既湯。用燉盅上，上面滿滿既松茸粒，雞肉亦好多，難怪入口非常鮮甜。