影片
更多
2022-07-01
240 浏览
9 0 後 的 味 蕾.喺太子行行吓，發掘到呢間門口裝修超日式嘅居酒屋，木系既長走廊，加上天然feel既石牆，好似去咗溫泉旅館咁。.估唔到係比我搵到寶，呢間居酒屋嘅食物絕對係物超所值！🤩.👉🏻清酒煮蜆蜆肉大概有12 、13隻，完全無沙、新鮮，湯底係甜甜地既味道，有少少壽喜燒嘅味道，但係飲落又微微酒精，幾特別既煮法。.👉🏻醬燒飯團 醬油味飯團撈咗魚乾碎、黑白芝麻 、超香！.👉🏻壽喜燒牛淨係睇張相就知有誠意，材料豐富，牛肉份量都頗多，豆腐、各類菇、粟米芯 、豆，仲有一隻日本生蛋比你撈勻，壽喜燒醬汁夠晒甜，令材料夠入味。.👉🏻甲羅燒❤️🔥必點，最驚喜嘅地方係佢嘅鱈魚片，平時係用嗰啲米通，無味又硬，但係呢度用嘅鱈魚片係超香魚味，咬落去有種空氣感，配埋甲羅燒嘅蟹肉、蝦膏，仲有卜卜口感既蟹籽，成個口感極豐富！.👉🏻豚肉荔枝卷🤩另一驚喜串燒，一片薄豚肉包住一粒荔枝，荔枝非常甜，中和左燒肉油膩，好滋味。.👉🏻月見雞肉棒絞碎咗既雞肉仍然保留到雞軟骨粒粒嘅咬口，配搭埋唔會腥嘅日本雞蛋，正！.👉🏻 瀧五郎啫喱柚子酒 唔係完全液體，係啫喱狀，酒精濃度亦都偏低，只有5%，絕對適合女士飲用，入口有柚子果皮嘅澀味，
.
喺太子行行吓，發掘到呢間門口裝修超日式嘅居酒屋，木系既長走廊，加上天然feel既石牆，好似去咗溫泉旅館咁。
.
估唔到係比我搵到寶，呢間居酒屋嘅食物絕對係物超所值！🤩
.
👉🏻清酒煮蜆
蜆肉大概有12 、13隻，完全無沙、新鮮，湯底係甜甜地既味道，有少少壽喜燒嘅味道，但係飲落又微微酒精，幾特別既煮法。
.
👉🏻醬燒飯團 醬油味飯團撈咗魚乾碎、黑白芝麻 、超香！
.
👉🏻壽喜燒牛
淨係睇張相就知有誠意，材料豐富，牛肉份量都頗多，豆腐、各類菇、粟米芯 、豆，仲有一隻日本生蛋比你撈勻，壽喜燒醬汁夠晒甜，令材料夠入味。
.
👉🏻甲羅燒❤️🔥
必點，最驚喜嘅地方係佢嘅鱈魚片，平時係用嗰啲米通，無味又硬，但係呢度用嘅鱈魚片係超香魚味，咬落去有種空氣感，配埋甲羅燒嘅蟹肉、蝦膏，仲有卜卜口感既蟹籽，成個口感極豐富！
.
👉🏻豚肉荔枝卷
🤩另一驚喜串燒，一片薄豚肉包住一粒荔枝，荔枝非常甜，中和左燒肉油膩，好滋味。
.
👉🏻月見雞肉棒
絞碎咗既雞肉仍然保留到雞軟骨粒粒嘅咬口，配搭埋唔會腥嘅日本雞蛋，正！
.
👉🏻 瀧五郎啫喱柚子酒
唔係完全液體，係啫喱狀，酒精濃度亦都偏低，只有5%，絕對適合女士飲用，入口有柚子果皮嘅澀味，好過癮。
.
全晚食完買單都係$700，我覺得質素絕對對得住個價錢，有時俾錢就係要買享受，誠意推薦呢間用心製造食物嘅居酒屋🏮！
张贴
