影片
更多
2021-01-18
118 浏览
《食咗隻豬🐷無得輸》———————————————-#TheSaltedPig 🐖-呢間豬門店主打高質靚豬肉，店鋪環境寬敞，坐得幾舒服，好適合同屋企人朋友一齊嚟食傾下計，可惜而家仲係二人限聚，所以今次就拍拖嚟食啦～👫🏼-🍖 Sharing snack platter:呢個小食拼盤超級豐富，一次過滿足哂所有願望😍個人最愛脆豬肋骨，上面帶點辣粉，味道香濃，另外豬皮脆片都非常香口😆蘇格蘭雞蛋又好驚喜，第一次食，炸到金黃香脆，外脆內軟，口感好有層次～成個拼盤仲有香料雞翼、薯圈、鬆脆魷魚圈、蟹餅同迷你牛肉漢堡，啱哂咩都想試下嘅朋友，超正！-🐷 Big boss piggy platter再嚟一個大豬集匯拼盤，呢款招牌菜式更加豐富！豬門店選用豬嘅最好部位，確保用優質同埋新鮮嘅食材製作食物😚咩豬都有，有齊乳豬件、豬手、豬肋骨、脆皮豬腩、煙燻芝士腸，份量十足🐽我哋一致認為乳豬最好食，尤其係個脆皮超juicy，外皮脆卜卜得嚟入口鬆化，完全冇蘇味～豬手亦好唔錯，鹹香惹味，最啱沾埋忌廉汁一齊食🤩-🥗 Caesar salad:食咁多肉點可以唔食返啲草🤣 呢個經典凱撒沙律點都唔會輸，裡面竟然仲加咗小鯷魚，零舍
———————————————-
#TheSaltedPig 🐖
-
呢間豬門店主打高質靚豬肉，店鋪環境寬敞，坐得幾舒服，好適合同屋企人朋友一齊嚟食傾下計，可惜而家仲係二人限聚，所以今次就拍拖嚟食啦～👫🏼
-
🍖 Sharing snack platter:
呢個小食拼盤超級豐富，一次過滿足哂所有願望😍個人最愛脆豬肋骨，上面帶點辣粉，味道香濃，另外豬皮脆片都非常香口😆蘇格蘭雞蛋又好驚喜，第一次食，炸到金黃香脆，外脆內軟，口感好有層次～成個拼盤仲有香料雞翼、薯圈、鬆脆魷魚圈、蟹餅同迷你牛肉漢堡，啱哂咩都想試下嘅朋友，超正！
-
🐷 Big boss piggy platter
再嚟一個大豬集匯拼盤，呢款招牌菜式更加豐富！豬門店選用豬嘅最好部位，確保用優質同埋新鮮嘅食材製作食物😚咩豬都有，有齊乳豬件、豬手、豬肋骨、脆皮豬腩、煙燻芝士腸，份量十足🐽我哋一致認為乳豬最好食，尤其係個脆皮超juicy，外皮脆卜卜得嚟入口鬆化，完全冇蘇味～豬手亦好唔錯，鹹香惹味，最啱沾埋忌廉汁一齊食🤩
-
🥗 Caesar salad:
食咁多肉點可以唔食返啲草🤣 呢個經典凱撒沙律點都唔會輸，裡面竟然仲加咗小鯷魚，零舍鮮味～
-
🍹 Tropical punch:
食得咁豐富又點可以叫返杯嘢飲，Mocktail 雜果賓治裡面有椰子、熱情果同菠蘿嘅香味，都幾清甜～
🥤Oreo madness milkshake:
奶昔大大杯超級邪惡，襯哂呢餐全豬宴😋
-
🍫 Lava cake:
最後甜品食埋心太軟非常滿足，外層焗到少少脆，一切開就係熱騰騰嘅香濃朱古力醬，配埋雲呢拿雪糕，為呢餐畫下完美嘅句號😝
-
見到餐單除咗豬肉亦有其他菜式選擇，我見仲有seabass、steak，應該都會係個好選擇🤟🏻
-
⭐ 參考價錢︰（另收加一）
Sharing snack platter：$288
Caesar salad: $118
Big boss piggy platter：$498
Lava cake: $88
Tropical punch: $62
Oreo madness milkshake: $88
🍌 抵deal 指數：9/10
💰人均消費：$600
张贴
