隨心 (已搬遷) 新店位置

今次想介紹既星馬餐廳係鰂魚涌，係鰂魚涌地鐵站D出口行大約5分鐘就到，交通十分便利。嗰度環境優美舒適，菜單也非常齊全，喇沙、海南雞同埋其他星馬美食都一應俱全。首先，我地叫左半隻海南雞，雞肉嫩滑多汁，皮薄沒有過多的油分，再配以特制既醬汁，令雞肉既鮮味再上一層樓。第二道菜係麥巴醬炒飯，因為我地覺得個名幾特別，所以叫黎試下，碟飯一上就香味撲鼻，味道甜甜辣辣的，十分可口。跟住落黎就係酸菜胡椒魚，依碟魚十分大，魚肉酸辣多汁，不得不稱讚既係個魚皮，焦脆可口。然後再黎就係海鮮喇沙，海鲜很多元化，有蝦、蟹柳、魷魚等等，湯底十分濃郁，麵也十分嫩滑彈牙。最後就係沙爹串燒同埋燒豬頸肉，沙爹串燒既醬汁惹味，燒豬頸肉爽脆嫩滑。 而餐廳既職員也十分友善體貼，不但會細心介紹各種茶式，仲會不時自動幫我地添水，令我地用餐期間十分舒服。