影片
更多
2022-09-25
42 浏览
放假最開心莫過於在中午自然醒，食個Brunch，享受一個懶洋洋嘅下午，然後去戲院睇套戲......Mizu位於佐敦地鐵站E出口旁，鄰近尖沙咀柯士甸道，方便就腳之類，由於係彌敦道嘅後一條街，所以旺中帶靜，唔會人來人往咁Busy踏入餐廳，左邊幾有文青Cafe嘅感覺，尤其卡位設計真係幾寬敞，坐得幾舒服；而右邊就係Bar枱，Backdrop擺滿各式紅白酒、清酒及烈酒，原來除左咖啡之外，仲係一間酒吧餐廳，有各式Cocktail雞尾酒及Shisha水煙等提供。燒鰻魚定食 ($188): 定食套餐包括前菜兩款、麵豉湯、沙律、鰻魚丼，以及咖啡茶 (Brunch套餐均包一普通咖啡，特色咖啡須補錢)原條蒲燒鰻魚，肥美肉厚，肉質細嫩，富肉汁，蒲燒汁甜度剛好，為鰻魚的完美配搭。丼飯附有大量蛋絲及紫菜，配上蒲燒汁及鰻魚，味道香甜，層次豐富。All Day Breakfast 全日早餐 ($128): 擺碟精美，食物雖簡單，但處理得幾好，幾好食。All Day有炒蛋/煎蛋、薯餅、餐包、茄汁豆、雞肉腸、煙肉、大啡菇以及沙律菜，仲有少少番茜碎作裝飾。炒蛋半熟，幾香幾奶滑，可加埋茄汁豆配餐包食；雞肉腸都脆香，爆曬汁；煙
Mizu位於佐敦地鐵站E出口旁，鄰近尖沙咀柯士甸道，方便就腳之類，由於係彌敦道嘅後一條街，所以旺中帶靜，唔會人來人往咁Busy
踏入餐廳，左邊幾有文青Cafe嘅感覺，尤其卡位設計真係幾寬敞，坐得幾舒服；而右邊就係Bar枱，Backdrop擺滿各式紅白酒、清酒及烈酒，原來除左咖啡之外，仲係一間酒吧餐廳，有各式Cocktail雞尾酒及Shisha水煙等提供。
燒鰻魚定食 ($188): 定食套餐包括前菜兩款、麵豉湯、沙律、鰻魚丼，以及咖啡茶 (Brunch套餐均包一普通咖啡，特色咖啡須補錢)
原條蒲燒鰻魚，肥美肉厚，肉質細嫩，富肉汁，蒲燒汁甜度剛好，為鰻魚的完美配搭。丼飯附有大量蛋絲及紫菜，配上蒲燒汁及鰻魚，味道香甜，層次豐富。
All Day Breakfast 全日早餐 ($128): 擺碟精美，食物雖簡單，但處理得幾好，幾好食。All Day有炒蛋/煎蛋、薯餅、餐包、茄汁豆、雞肉腸、煙肉、大啡菇以及沙律菜，仲有少少番茜碎作裝飾。炒蛋半熟，幾香幾奶滑，可加埋茄汁豆配餐包食；雞肉腸都脆香，爆曬汁；煙肉唔會太乾，其他野都okay，唔會overcooked，$128包杯咖啡，環境仲要咁chill，算係幾滿意。
Cointreau's Cafe Mocha 君度橙酒朱古力咖啡 ($78): 其實就係Mocha加橙酒，咖啡及朱古力味都幾濃，然而相信有玩過Cocktail都應該有試過橙酒，橙味突出，酒精唔太濃/嗆喉，同Mocha幾夾。而呢杯Cointreau's Cafe Mocha整體幾濃郁，就算慢慢飲啲冰溶曬都仲好rich...nice!
张贴
