影片
更多
2021-04-26
1307 浏览
《經典懷舊港式茶記☕》———————————————-#雪山冰廳 🗻-Weekend行開深水埗，就同朋友一齊enjoy三點三下午茶～呢間位於嘉頓附近嘅茶記啱哂心水，既有保留香港傳統冰室嘅港式美食，又有唔少新穎菜式，相當多元，重點係價錢平民，CP值超高，下午茶餐樣樣都咁吸引😆-🍞 足餡榛子流心西多即叫即炸大大件，出爐西多熱辣辣，炸得好香脆，包住濃郁既榛子醬簡直係一絕🥳🍗 避風塘炸蒜雞髀呢款避風塘口味相當特別，而且整得好出色，嫩滑唔會乾，外皮脆卜卜，配搭埋炸蒜同避風塘嘅辣味，十分惹味😋🍔 經典芝士煎蛋牛肉漢堡包漢堡都幾驚喜，尤其係個手打牛肉漢堡扒肉味好出，肉質鬆軟，帶點微甜，煎蛋仲要係流心蛋，好食又夠飽肚！🐣 鹹蛋黃雞中翼一份有四隻香脆可口嘅雞翼，醃咗少少香蒜味，外表沾滿哂咸蛋黃醬，食落啖啖咸香，超正！-唔知係啲嘢食，連啲特飲都好特別，非常值得一試！🧊 港式茶走紅豆冰呢個配搭好少見，香滑嘅奶茶配落足料嘅紅豆度，出奇地夾，茶走用咗煉奶，將奶茶嘅味道變得更濃郁🤩🧋 樽仔奶茶將調製好嘅奶茶原支入雪櫃，懷舊風味十足，甜度適中，保持到奶茶既原汁原味👅🍫 華田曲奇秒趣係阿華田上面加咗Oreo同Crea
———————————————-
#雪山冰廳 🗻
-
Weekend行開深水埗，就同朋友一齊enjoy三點三下午茶～呢間位於嘉頓附近嘅茶記啱哂心水，既有保留香港傳統冰室嘅港式美食，又有唔少新穎菜式，相當多元，重點係價錢平民，CP值超高，下午茶餐樣樣都咁吸引😆
-
🍞 足餡榛子流心西多
即叫即炸大大件，出爐西多熱辣辣，炸得好香脆，包住濃郁既榛子醬簡直係一絕🥳
🍗 避風塘炸蒜雞髀
呢款避風塘口味相當特別，而且整得好出色，嫩滑唔會乾，外皮脆卜卜，配搭埋炸蒜同避風塘嘅辣味，十分惹味😋
🍔 經典芝士煎蛋牛肉漢堡包
漢堡都幾驚喜，尤其係個手打牛肉漢堡扒肉味好出，肉質鬆軟，帶點微甜，煎蛋仲要係流心蛋，好食又夠飽肚！
🐣 鹹蛋黃雞中翼
一份有四隻香脆可口嘅雞翼，醃咗少少香蒜味，外表沾滿哂咸蛋黃醬，食落啖啖咸香，超正！
-
唔知係啲嘢食，連啲特飲都好特別，非常值得一試！
🧊 港式茶走紅豆冰
呢個配搭好少見，香滑嘅奶茶配落足料嘅紅豆度，出奇地夾，茶走用咗煉奶，將奶茶嘅味道變得更濃郁🤩
🧋 樽仔奶茶
將調製好嘅奶茶原支入雪櫃，懷舊風味十足，甜度適中，保持到奶茶既原汁原味👅
🍫 華田曲奇秒趣
係阿華田上面加咗Oreo同Cream，超級合拍，啱哂重甜愛好者！
🍹 港口味雜果賓治
簡單嘅一杯雜果賓治要整得好飲都唔容易，完全無奇怪藥水味，小店超大方比好多果肉，飲落好消暑～
-
⭐ 參考價錢︰
避風塘生炸髀： $38
（跟餐升級港式茶走紅豆冰： +$9）
榛子醬西多士： $32
（跟餐升級樽仔奶茶： +$9）
鹹蛋黃雞中翼：$35
（跟餐升級華田曲奇秒趣： +$9）
經典芝蛋牛肉漢堡包： $36
（跟餐升級港口味雜果賓治： +$9）
🍌 抵deal 指數：9/10
💰 人均消費：$45
张贴
