影片
更多
2018-09-17
4195 浏览
之前收到消息話荃灣呢一間巨大火腿炒蛋奄列的冰室會在明年三月光榮，成日心思思話想去食，但一見到佢長長嘅人龍次系都打退堂鼓，前兩日趁假日衝左出荃灣，今次我一定要食到！我怕呢一世都無機會了😖去到門口又係長長人龍，重點系因為怕阻住隔離店做生意要排到對面馬路，真係好誇張，我排咗35分鐘入到去都算快，不過可能我係11點幾仲早，平時起碼聽講要排一個鐘以上。.入到去梗係要點佢嘅巨大火腿小奄列（$32），其實都幾矛盾又話叫小奄列但係勁巨大囉！上枱我都俾佢嚇到😋，我估足足有成六七隻雞蛋炒成，而佢上面嘅多士成為咗伴碟咁😆蛋炒得滑，中間仲有啲係蛋漿包住一條條粗大火腿絲，係我喜歡嘅半熟狀態，啖啖火腿炒滑蛋又鮮又嫩，真心滿足到我咁鍾意食蛋嘅人😋😋😋喜歡食蛋嘅朋友不要錯過，一世人一定要食一次！雖然火腿奄列巨大，但一場來到我都要嗌多一碗雞絲湯麵（$30），一碗簡單嘅面佢都可以整得咁出色，雞絲嫩滑配以鮮嫩冬菇，足料得黎佢嘅面底又夠彈牙，個湯底又正，加上大大碗好滿足！點算好？ 成碗面都好正！食得出佢呢度每一樣野都好有誠意！我本身叫埋佢岀名嘅好立克奶昔，點知佢話一點鐘之後先會有師傅整， 所以大家要留意，呢間家樂冰廳真係我食
之前收到消息話荃灣呢一間巨大火腿炒蛋奄列的冰室會在明年三月光榮，成日心思思話想去食，但一見到佢長長嘅人龍次系都打退堂鼓，前兩日趁假日衝左出荃灣，今次我一定要食到！我怕呢一世都無機會了😖
去到門口又係長長人龍，重點系因為怕阻住隔離店做生意要排到對面馬路，真係好誇張，我排咗35分鐘入到去都算快，不過可能我係11點幾仲早，平時起碼聽講要排一個鐘以上。
.
入到去梗係要點佢嘅巨大火腿小奄列（$32），其實都幾矛盾又話叫小奄列但係勁巨大囉！上枱我都俾佢嚇到😋，我估足足有成六七隻雞蛋炒成，而佢上面嘅多士成為咗伴碟咁😆蛋炒得滑，中間仲有啲係蛋漿包住一條條粗大火腿絲，係我喜歡嘅半熟狀態，啖啖火腿炒滑蛋又鮮又嫩，真心滿足到我咁鍾意食蛋嘅人😋😋😋喜歡食蛋嘅朋友不要錯過，一世人一定要食一次！
火腿小奄列
$32
96 浏览
0 赞好
0 留言
雖然火腿奄列巨大，但一場來到我都要嗌多一碗雞絲湯麵（$30），一碗簡單嘅面佢都可以整得咁出色，雞絲嫩滑配以鮮嫩冬菇，足料得黎佢嘅面底又夠彈牙，個湯底又正，加上大大碗好滿足！點算好？ 成碗面都好正！食得出佢呢度每一樣野都好有誠意！
雞絲湯麵
$30
72 浏览
0 赞好
0 留言
我本身叫埋佢岀名嘅好立克奶昔，點知佢話一點鐘之後先會有師傅整， 所以大家要留意，呢間家樂冰廳真係我食後真心推介，排得耐啲都抵呀，出年三月之後可能就冇得食啦，如果食唔到真係我人生一大嘅遺憾😋
______________________
店名: 嘉樂冰廳
環境🏝：6/10
服務💁🏼♀️：7/10
價錢💰：9/10
食物質素🍝： 9.5/10
整體🙆🏻♂️：8.5/10
地址:
荃灣新村街40B號地下
张贴
