影片
更多
2019-04-23
190 浏览
為咗慶祝復活節連假，放假前夕我哋去咗位於銅鑼灣呢間樓上日本壽司店食新派廚師發板🎉餐廳裝修都好有別於一般傳統日本餐廳，運用雲石元素同黑白金三色作主調～我哋呢張枱係可以由22樓望住出面嘅維港夜景超正呀😍另外仲有吧台望住廚師整壽司，同埋有大房～服務質素好似日本咁高，食完每一道菜佢都會幫我地換毛巾同埋成杯熱茶換過，仲有一個侍應每上一道菜都會同我地介紹返，好nice😋•楓（$850）董（$1150）我哋揀咗唔同嘅套餐，一齊share，可以咩都試吓🤤.［🥔小食］新鮮炸有機蕃薯片，脆卜卜唔錯～.［🍥前菜］山桃木魚湯啫喱京都腐皮·栗子蘆筍天婦羅魷魚·當中我最鍾意嘅係京都腐皮，京都出名豆類製品，呢個腐皮好香好滑😋木魚湯啫喱都好特別，好有魚味～•［🐟刺身］佢嘅所有刺身擺盤都好靚，用咗來自芬蘭嘅食用花裝飾，好有心思🌺.立魚刺身加左柚子，酸酸地幾清新好味！.油甘魚刺身勁厚切，用咗紫蘇汁同蕃茄調味，味道幾夾！.拖羅同海膽兩樣都係我嘅至愛啊💕佢嘅拖羅食落完全冇根，真係入口即溶～北海道根室嘅海膽超級鮮甜，實在太幸福啦🤤·北海道生蠔有少少海水味，好新鮮，清新爽口，加左豆腐檸檬汁調味，帶出佢嘅鮮味～.赤貝同響螺刺身都好
餐廳裝修都好有別於一般傳統日本餐廳，運用雲石元素同黑白金三色作主調～
我哋呢張枱係可以由22樓望住出面嘅維港夜景超正呀😍另外仲有吧台望住廚師整壽司，同埋有大房～
服務質素好似日本咁高，食完每一道菜佢都會幫我地換毛巾同埋成杯熱茶換過，仲有一個侍應每上一道菜都會同我地介紹返，好nice😋
•
楓（$850）
董（$1150）
我哋揀咗唔同嘅套餐，一齊share，可以咩都試吓🤤
.
［🥔小食］
新鮮炸有機蕃薯片，脆卜卜唔錯～
.
［🍥前菜］
山桃
木魚湯啫喱
京都腐皮
·
栗子
蘆筍天婦羅
魷魚
·
當中我最鍾意嘅係京都腐皮，京都出名豆類製品，呢個腐皮好香好滑😋木魚湯啫喱都好特別，好有魚味～
•
［🐟刺身］
佢嘅所有刺身擺盤都好靚，用咗來自芬蘭嘅食用花裝飾，好有心思🌺
.
立魚刺身加左柚子，酸酸地幾清新好味！
.
油甘魚刺身勁厚切，用咗紫蘇汁同蕃茄調味，味道幾夾！
.
拖羅同海膽兩樣都係我嘅至愛啊💕佢嘅拖羅食落完全冇根，真係入口即溶～北海道根室嘅海膽超級鮮甜，實在太幸福啦🤤
·
北海道生蠔有少少海水味，好新鮮，清新爽口，加左豆腐檸檬汁調味，帶出佢嘅鮮味～
.
赤貝同響螺刺身都好爽口彈牙，加咗青檸汁感覺好fresh～
容器下面係蘋果木煙燻既拖羅，有金箔同魚子醬係面，好矜貴啊，拖羅好香滑，用左味增醬調味，超級好食🥢
•
[🍲煮物]
煮物有時令既立魚子，秋葵，芋頭，甘旬同慈菇～我最鍾意嘅佢既芋頭，口感超級滑嘟嘟，清湯都好好飲～
•
［🐟燒物］
燒油甘魚餃我都係第一次食咋，燒到魚皮好脆，好香魚油味，肉質結實，用醬油醃過好入味，有成兩大舊，份量好多～
•
［🍤炸物］
愛侶魚天婦羅同炸薑蔥都好正～
•
[🍣壽司］
北寄貝
木魚
針魚
燒左口魚裙邊
赤身
帆立貝
星鰻
佢所有壽司嘅飯都係細細舊啱啱好唔會太飽～我最鍾意嘅係燒左口魚裙邊，燒到啲魚油出晒嚟好香～
拖羅同海膽軍艦一人一件唔使爭😍
拖羅係熟成5日，用醬汁醃過，唔洗點豉油食都好夠味～海膽同樣係北海道根室嘅海膽，超級鮮甜，我可以食一板🤤🤤
•
[🥣湯]
蜆肉清湯
蜆肉細細粒得來好鮮甜！
•
［🍈甜品］
靜岡縣蜜瓜甜到爆🤩
櫻花水信玄餅 配黑糖醬，好似啫喱，幾好食～
•
晚市嘅廚師發板呢個價錢真係超值，所有食材都好新鮮，特別🌟誠意推介！
💁🏻♀️值得一讚嘅係佢個洗手間除左用咗日本自動座廁，仲有提供女士衛生用品，化妝棉，獨立包裝漱口水，hand cream等，非常貼心👏🏻
————————————
（5⭐️滿分，💫為半分）
整體環境：⭐️⭐️⭐️⭐️
味道：⭐️⭐️⭐️⭐️💫
服務：⭐️⭐️⭐️⭐️💫
性價比：⭐️⭐️⭐️⭐️
回頭指數：⭐️⭐️⭐️⭐️
————————————
张贴
