影片
更多
2021-10-14
77 浏览
9 0 後 的 味 蕾 .同男朋友慶祝週年紀念，上openrice搵到呢間零負評既Fine Dining 西餐廳，預先book定位，係一間樓上餐廳，燈光比較昏暗，每張枱都放左一個電子蠟燭，相當有氣氛，點左佢兩款套餐share食，食完覺得實至名歸！—————————————————————✅法日fusion菜式✅用心製作、擺盤精美✅米之蓮水準食物質素✅餐廳員工好有禮貌✅多款美酒選擇.🔸Five Course Menu🔸——————————————🔸北海道生蠔🦪好大隻，加入青檸雪葩，超creamy 、肥美鮮甜，青蘋果 令整體非常清新，亦減少左海水味，🤤.🔸松葉蟹多士蟹肉條條分明 麵包好酥脆 ，一切層層分明，蟹膏味道濃郁，紫蘇梅子汁令整體好醒胃，上面仲放咗啲魚子，蟹膏味完全蓋過魚子味.🔸法式鵪鶉酥皮包設計超精美，迷你福袋造型，一咬落去都係鵪鶉蛋嘅味道，配搭埋黑松露creamy sauce，口感非常豐富.🔸法式油封鴨髀絕對驚喜，鴨髀好大隻，廚師煎封左表面，鎖住油份喺肉入邊，皮脆，鴨肉味香，肉質實而嫩，配埋脆口羽衣甘藍，超美味.🔸 榛子慕絲蛋糕+栗子雪糕甜品超可愛，以蘑菇造型製成嘅Haze
.
同男朋友慶祝週年紀念，上openrice搵到呢間零負評既Fine Dining 西餐廳，預先book定位，係一間樓上餐廳，燈光比較昏暗，每張枱都放左一個電子蠟燭，相當有氣氛，點左佢兩款套餐share食，食完覺得實至名歸！
—————————————————————
✅法日fusion菜式
✅用心製作、擺盤精美
✅米之蓮水準食物質素
✅餐廳員工好有禮貌
✅多款美酒選擇
.
🔸Five Course Menu🔸
——————————————
🔸北海道生蠔🦪
好大隻，加入青檸雪葩，超creamy 、肥美鮮甜，青蘋果 令整體非常清新，亦減少左海水味，🤤
.
🔸松葉蟹多士
蟹肉條條分明 麵包好酥脆 ，一切層層分明，蟹膏味道濃郁，紫蘇梅子汁令整體好醒胃，上面仲放咗啲魚子，蟹膏味完全蓋過魚子味
.
🔸法式鵪鶉酥皮包
設計超精美，迷你福袋造型，一咬落去都係鵪鶉蛋嘅味道，配搭埋黑松露creamy sauce，口感非常豐富
.
🔸法式油封鴨髀
絕對驚喜，鴨髀好大隻，廚師煎封左表面，鎖住油份喺肉入邊，皮脆，鴨肉味香，肉質實而嫩，配埋脆口羽衣甘藍，超美味
.
🔸 榛子慕絲蛋糕+栗子雪糕
甜品超可愛，以蘑菇造型製成嘅Hazelnut Moose Cake，配粟子味濃郁嘅雪糕🤤
.
🔸Dinner Menu🔸
三款頭盤選擇+七款Main選擇
————————
🔸日式刺身
兩片油甘魚，夠腍，完全無筋，配柚子醬汁，好match，食完仲有兩塊酸紅蘿蔔，醒胃
.
🔸 南瓜湯
入口有陣淡淡黃咖喱嘅味道，好特別，底部仲有啲南瓜子，增加口感
.
🔸美國頂級封門柳👍🏻👍🏻
驚艷之作，封門柳每一片都好均勻，煮得超軟腍，又帶有少少咬口，脂肪極少，牛味夠香
.
🔸Raspberry lemon tart
用一個微微酸既甜品作結尾，簡直係中和晒所有食物嘅肥膩感，滿足既一餐
.
🔸餐包 （牛角包+芝心軟包）
餐廳將所有包焗到熱，對食物要求好高，芝心包好軟綿，牛角包又勁酥脆，層層分明
.
🔸梅酒
揀咗兩款梅酒，一款鹽味梅酒，好飲，推薦嘗試，入口有陣鹹鹹地嘅鹽味，然後好快飲到梅酒嘅香味，另一款桃味，呢杯桃味好重，梅酒味就唔算重
张贴
