ᴀᴛᴜᴍ最近又開咗新嘅副線餐廳
今次嘅新副線 「獅叔 ꜱʜɪᴏᴋ 」主打馬來西亞菜
位於旺角ꜰᴏʀᴇꜱᴛ 商場 地理位置方便
餐廳裝修有少少地道茶餐廳嘅ꜰᴇᴇʟ仲加咗Retro Pop Style 玩味十足
食物價錢親民 但質素絕對有保證
𓈒𓂃 𓈒𓌉◯𓇋𓂃 𓈒
❀ 娘惹蒜米酥脆魷魚 ‣ $𝟟𝟠
呢碟魷魚真係超抵食 差唔多有成20件
炸粉夠簿之餘 魷魚炸得夠香而且冇縮水
蒜米脆嘅咸香同魷魚都非常夾
❀ 馬來沙爹雞串燒 ‣ $𝟞𝟠
串燒雞肉燒得好香 有炭火味
最驚喜嘅係佢個沙爹醬
花生味同其他香料平衡得黎好濃郁
❀ 馬來奶油咖哩雞 ‣ $𝟙𝟙𝟠
❀ 油酥手抓餅 ‣ $𝟝𝟚
嗌咖喱雞就當然要嗌埋手抓餅啦
雞嘅份量真係非常非常多 基本上成碟都係雞
係多到可以每塊手抓餅都夾住雞食（笑）
不過鐘意多汁嘅我就略嫌唔係好夠咖喱汁
❀ 檳城炒粿條 ‣ $𝟙𝟙𝟠
炒粿條都幾惹味 但重口味人士可能會覺得有啲淡
而且魚片大蝦等配料亦都唔少 唔會好齋咁
而且炒得夠乾身唔會有好油膩嘅味道
❀ 桔仔酸梅水 ‣ $𝟛𝟞
❀ 珍多尖蕊冰 ‣ $𝟜𝟞
桔仔酸梅水酸酸甜甜嘅味道非常開胃同解膩
而珍多尖蕊冰嘅椰漿完全冇溝淡超濃郁
兩杯飲品都唔會太甜 尤其係珍多冰應該係冇額外加糖 啱晒唔鐘意飲太甜嘅朋友
