探花 (已結業)

聽日放工同同事試咗呢一間新餐廳😆😆😆店內嘅地方雖然唔大，但裝修得好精美！！原來唔單止佢哋嘅裝修，呢度嘅食物同樣精巧細緻，啱曬用嚟打卡xpp店員會為每枱食客都送上一份餐前小食～酸酸甜甜嘅話梅桂花車厘茄非常開胃：）我哋點咗鹹蛋黃竹炭蘿蔔絲酥餅同清森蘋果叉燒酥呢兩款點心～呢兩款點心嘅外層都非常鬆化，而且食落都唔油膩：）自己特別欣賞呢度嘅蘿蔔絲酥餅加入咗鹹蛋黃調味，令平日味道清淡嘅蘿蔔絲都變得非常惹味！！之後同事點咗呢份脆鱔都係賣相吸精，味道吸引～然後我哋要咗兩款小菜：）干煸黑毛豬肉鬆芥蘭同紅燒乳鴿～用咗干煸調味既芥蘭帶出一份辣勁，同事很欣賞：）紅燒乳鴿皮薄肉嫩，不錯！！！最後仲嗌咗個炒麵，食完真係非常飽足～