一瀧 (已結業)

餐廳嘅裝潢喺日本🇯🇵江戶時代為主題，門口已經深深感受到果種文化氣息🌿楓樹、竹簾、和風庭園嘅格局等，美輪美奐，令人嘆為觀止。 食物方面有兩位福岡師傅主理，所以無論外觀到味道都一絲不苟，滿有福岡特色。A4宮崎和牛壽喜燒 +綿花糖首先開爐，然後店員將綿花糖放入壽喜燒鍋中。原來鍋物無加糖，只靠綿花糖嘅香甜。鍋入面材料豐富，而且吸收哂湯嘅香，好入味。和牛中嘅極品～A4宮崎和牛，脂肪紋理勁靚，肉質嫩滑肥美，牛肉味豐盈，只要輕輕煮一煮已經好好味。 另外仲可以點日本🇯🇵生蛋汁，味道更正🥰一瀧唐場三瀨雞 IFC 黑色嘅炸雞好特別，原來加咁墨汁落炸漿。炸雞外層酥脆香口，雞肉保持多汁嫩滑，配上特製沙律醬，真係唔錯🥳🥳三瀨雞全奕一夜干 每日限量供應😎 博多出名嘅菜色，雞翼只作輕烤，外皮細薄而香脆。燒鳥：雞軟骨/月見免治三瀨雞肉棒 雞軟骨好大件，食落爽脆有嚼勁。免治雞入面有雞軟骨，再配上蛋汁，啖啖肉，爽嫩多汁又有咬口Bubble Ice Tea 打卡泡泡令人愛不釋手😍 果味香濃，味道清新