麺屋武蔵 (已結業)

老老實實，尖沙咀OL中午搵食越來越難，一係好味但好貴，一係貴夾唔飽，一係平但唔好味，或者坐得唔舒服⋯呢度就係性價比較好嘅地方，即係唔算貴、好味、坐得舒服。叫左個「赤虎豚角煮」，赤虎即係辣，但如果食得辣嘅會覺得好輕微，不過又好惹味，湯底好濃，個蛋流心好味！但最正係個豚角煮，分量比好多拉麵店大份，好滿足，而且五花腩的肥瘦比例好好～搵位好易，因為好多位，但侍應唔算多，點菜同埋單要俾啲耐性。