龍亭

中環區$488日式鐵板燒八道菜晚市套餐! 你無睇錯價錢，that’s why今晚雖然只係閒日星期三晚，但都接近滿座，以家陣夜晚較靜嘅中環黎講，算係幾surprisingly多人。雖然唔係平時千元鐵板燒包埋澳龍和牛咁premium嘅食品，但其實都有生蠔、海鮮、澳洲牛柳等等，所以都依然有性價比。沙律無咩好講，而及後嘅前菜三點包括醋漬昆布三文魚軟骨、慢煮三文魚蓉及生薑片：三文魚軟骨粒粒脆口，帶點膠原口感，酸酸甜甜幾開胃；慢煮三文魚蓉以竹炭脆餅盛載，味道鮮甜，都幾好食。刺身一品可選時令生蠔或鯛魚刺身，生蠔配大量三文魚籽，整體鮮甜之餘，其亦加上海鹽泡泡，勾畫出海水般的咸香，叻! 鐵板海鮮兩品分別係慢煮鮑魚及日本元貝，經慢煮嘅鮑魚除左軟腍，仲非常爽口彈牙；元貝幼嫩鮮味。兩者均配其配蝦頭醬及海鹽泡泡，前者鮮香，口味較重，後者帶淡咸香。肉類選擇左澳洲牛柳粒，油花較少，但肉味濃郁，質感都夠幼嫩，且具豐富肉汁，較牛肉薄燒卷更有肉嘅感覺。海鮮炒飯粒粒分明，夠事爽，黑松露香氣突出，並有鮮蝦及三文魚籽，食落幾鮮甜。菊花豆腐白麵豉湯：菊花豆腐指豆腐呈菊花狀，賣相較為美觀，但飲落其實都係咁啦，Gimmick野……