鼎·會館 (已結業)

今個月出左糧決定帶呀媽食餐好既😙眾所周知鼎爺煮野食叻架啦，之前食過一次鼎爺私房菜覺得好正！最近得知原來係中環開左第二間餐廳—鼎·會館，於是訂了星期六晚來試下😋呢間既裝修好靚，以銀白色為主，好中國風，牆上畫左好多山水畫，仿如置身古代。座位亦好闊落，坐得好舒服自在。服務亦好滿意，帶俾我地一個唔錯既晚餐體驗～•🍵茶點了菊花，陣陣幽香，清新解膩～•🍖秘製火焰叉燒（$368）店員係我地面前即席表現火燒叉燒🔥夠哂吸睛，影相一流📸燒得好香，有些少濃邊，幾惹味，半肥瘦既叉燒咬落幾juicy，唔會好乾同鞋，份量都唔少～•🥣花膠鮑參海鮮酸辣羹（$238/位）入面有好多花膠鮑參海鮮粒粒，口感豐富，酸辣羹非常濃味，適合重口味如我🙂•🦀桂花蟹肉炒瑤柱（$428）呢道菜除左有蟹肉同瑤柱，仲有好多芽菜同炒碎蛋花，炒得幾香，蛋香味突出，芽菜都好爽口！•🐂蔥香梅菜皇燜和牛肋骨（$298/位）幾驚喜既菜式，和牛助骨燜得非常腍，好入味，香蔥梅菜就咁食都好味～•🍛章魚鮑魚雞粒有味飯（$139/位）個飯係煲仔咁上，店員會幫我地筆埋落碗，有得食埋飯焦～另奉上醬油唔夠味可以加，飯入面有章魚、鮑魚、雞粒、炸銀魚、冬菇等，都幾多料🥢•