影片
更多
2023-08-25
79 浏览
「牛站（駅）麻辣火鍋放題」屬相當具人氣嘅火鍋放題店，每次去到都見到好多食客，感覺非常熱鬧。由於店面較大，平時唔太需要等位。價錢看似中等，但實則超值，以$288元價錢（另須加一）提供任點SRF美國極黑和牛已經相當過份，仲有大量優質食材，包括麻辣小龍蝦、鴨舌、燒乳鴿 (好好食)、象拔蚌片、貴價雪糕雪條、清酒、梅酒。溫馨提示：去完之後你未必想去其他火鍋放題，返唔到轉頭。今次揀選左中間距間嘅$288放題套餐，主打SRF美國極黑和牛片，牛肉方面，另有美國安格斯牛板腱、美國牛肩胛肉、手切封門柳及巴西牛脷托等。「幹牛」重點集中在SRF美國極黑和牛片，屬容易回本之選。其脂肪比例適中，具備日本和牛嘅油香及美國牛嘅肉香，兩者相對平衡，肉質亦相當細嫩，而且大大塊，厚度適中，食落幾有口感。$248餐同樣有offer嘅美國牛肩胛無論在油香及肉味均比SRF和牛遜色，但質素其實與一般安格斯肥牛片相約，味道可以。但有得任食SRF的話，無需選牛肩胛。燒乳鴿出奇地好食，皮脆肉嫩，帶豐富肉汁，屬必食及Encore之選。海鮮類有海蝦、沙白、鮑魚、象拔蚌片等等，海蝦幾大隻，蝦肉結實爽彈，其餘海鮮都夠新鮮。牛筋超大件，但要煮較長
價錢看似中等，但實則超值，以$288元價錢（另須加一）提供任點SRF美國極黑和牛已經相當過份，仲有大量優質食材，包括麻辣小龍蝦、鴨舌、燒乳鴿 (好好食)、象拔蚌片、貴價雪糕雪條、清酒、梅酒。
溫馨提示：去完之後你未必想去其他火鍋放題，返唔到轉頭。
今次揀選左中間距間嘅$288放題套餐，主打SRF美國極黑和牛片，牛肉方面，另有美國安格斯牛板腱、美國牛肩胛肉、手切封門柳及巴西牛脷托等。
「幹牛」重點集中在SRF美國極黑和牛片，屬容易回本之選。其脂肪比例適中，具備日本和牛嘅油香及美國牛嘅肉香，兩者相對平衡，肉質亦相當細嫩，而且大大塊，厚度適中，食落幾有口感。
$248餐同樣有offer嘅美國牛肩胛無論在油香及肉味均比SRF和牛遜色，但質素其實與一般安格斯肥牛片相約，味道可以。但有得任食SRF的話，無需選牛肩胛。
燒乳鴿出奇地好食，皮脆肉嫩，帶豐富肉汁，屬必食及Encore之選。
海鮮類有海蝦、沙白、鮑魚、象拔蚌片等等，海蝦幾大隻，蝦肉結實爽彈，其餘海鮮都夠新鮮。
牛筋超大件，但要煮較長時間。
榴槤炸彈非常酥香，外皮香脆，內裡軟糯，榴槤味超香甜。
EKSELENCE雪條都有得任食，零售價成廿幾蚊一條，另外仲有幾款Haagen Dazs雪糕。
张贴
