桂花小幸 (將軍澳廣場)

营业中

休息中

今晚再次去咗呢間台灣小店度食晚飯，主要原因係價錢唔貴同埋性價比高。呢間餐廳係需要喺櫃檯先俾錢埋單，然後先會送上食物。我地叫咗下列食品😋：🍲秘罈酸菜魚套餐（ $88 ）：酸菜魚既魚份量唔少，辣度適中，唔算太辣，配飯一流。套餐入面嘅紫菜湯味道都唔錯，另外仲有一碟肉燥芽菜味道都好夾，肉燥半肥瘦👍🏻🍛三杯雞定食配上湯浸時菜（ $78 ）：呢個菜式係唔辣嘅，雞件既份量都充足，上湯浸娃娃菜正常發揮👍🏻🧋另外每人叫咗一杯特飲，百香多多梳打及黑糖珍珠奶茶，每杯都係$29， 珍珠奶茶茶底濃郁，而且珍珠有咬口。而多多梳打係加咗益力多，唔算太甜，兩杯都值得一試。另外呢間餐廳係唔使加一，兩個人埋單總共$224，抵食。