龍亭

✨佐敦 - 龍亭✨：原本想去食個快靚正既煲仔飯lunch，行過比呢間豪華高貴裝修既大門吸引，原來係新開既鐵板燒，係佐敦十字路口好容易見到大大個門口招牌，餐廳內有L字型Bar 枱，可以近距離睇到師傅係鐵板燒煮食。：Menu有多款套餐選擇，我揀左個$788既海鮮鐵板燒。：🔺 頭盤有羽衣甘藍配龍珠果沙律，抗癌健康🔺一客芙蓉蛋，蛋白水汪汪，質感好正🔺兩款海鮮，我揀咗帶子、同東星班，而家師傅即席喺我哋面前燒，魚皮燒至焦脆，皮香肉嫩，帶子仲有牛油同黑松露醬，燒好晒仲會有擺盤，present得好靚。🔺一款肉料理，有澳洲和牛牛柳，一邊燒一邊切粒，最後配乾蒜、wasabi、竹炭鹽擺盤，肉質軟而彈牙，好好味！🔺一客炒飯 ，用蛋、紅蘿蔔粒、蔥、蒜即時係鐵板炒，望住佢哋一粒粒變成金黃色，增加咗食慾，炒飯粒粒分明，亦唔會太油，仲會加一隻新鮮虎蝦，超彈牙。：最後配一配麵豉湯，同一款甜品，有日本柚子雪糕配爆珠紅豆，同紅酒煮雪梨，微酸中和食完既油膩感。