甘甘好蔗 (已搬遷) 新店位置

旺角最近有間新野飲，以蔗為主題，出面其實都比較少以蔗為主題既新派茶飲店，而且比起其他台式飲品更健康，相信都會吸引唔少對健康有追求既人！店鋪就係廣華醫院附近，食完小食再飲就岩哂啦！甘蔗青茶 $28鮮榨蔗汁配上御翠青烏龍茶，呢個配搭又幾特別，從來都未試過，但味道又出奇地夾，飲落似蔗汁，但最後又有種烏龍既回甘，清清地好岩消滯，咁岩食完燒肉飲呢個就最岩！班蘭生椰奶 $34身為班蘭控既我當然要試，掛杯既綠色班蘭汁，打卡一流，唔講仲以為係抹茶生椰奶本身唔會太甜，最驚喜既係入面有成大塊班蘭葉，唔怪得班蘭味咁濃郁，飲落都唔會覺得好膩，反而有種班蘭既清香！下次要試下佢個純鮮榨蔗汁先！