金鶴拉麵 (和富道) (已結業)

金鶴拉麵 －蠻具人氣嘅一間日式拉麵店，在港有數間分店，遍佈九龍及港島多個地點，以「雞白湯」為主打，另外，於不同季節亦有「期間限定」特色湯底，例如，而家有一款「北海道極濃蟹湯拉麵」，另外，亦有一款京都抹茶雞白湯拉麵，頗為獨特。套餐感覺較划算，例如，雞白湯拉麵單點$98，但套餐加唐揚炸雞及飲品就$128，價錢合理。雞白湯拉麵 ($98): 賣相甚佳，左邊賣相稍為浮誇嘅係炸牛蒡，口感香脆，香而不膩，佐料有兩塊雞胸肉 (非常幼嫩富雞味，同慢煮雞胸肉差唔多)、一塊日式豚肉，以及半顆溏心蛋。先試一口雞白湯，湯底非常清澈，呈奶白色，口感奶滑，味道鮮甜，而雞嘅鮮味同主流豚骨湯底有啲唔同，唔係咁多地方有得食，所以都幾有新鮮感。麵底採用曲麵，硬度適中，份量亦唔算少，就算唔係極濃雞白湯都掛到少少湯，算係唔錯。溏心蛋富蛋香，亦滷得幾香甜，味道唔錯。《 期間限定》北海道極濃蟹湯拉麵 ($138): 極濃蟹湯味道非常濃郁，帶相當鮮甜嘅蟹膏味噌香，質感同樣奶滑，拉麵掛湯能力高，十分鮮味，亦係推介之選。除左有大量蟹肉絲，仲有一塊日式豚肉，以及半顆溏心蛋。抹茶軟凍 ($33): 其實係餐廳送比我食嘅，原因係由於當日係閒