呢間野路過左好多次，今次都係第一次入去食。
油醋海蜇花（$5️⃣8️⃣）
佢呢個海蜇花相當之脆口，比平時食嘅海蜇更加脆🤪，調味啱啱好，我朋友平時好少食海蜇都食咗好多。
桂花蜜糖雞翼（$2️⃣5️⃣）
佢比平時食嘅蜜糖雞翼多左陣桂花味😍，估唔到雞翼同桂花都可以咁夾，而且炸得啱啱好🥰，唔會話炸到乾晒，下次一定要試吓其他味道。
蟲草花膠雞湯米線（$6️⃣8️⃣ ）
呢個米線啲料都好多下，花膠都有三四片，每件都好軟滑。而佢啲雞肉嫩滑得來好入味，對得住佢呢個價錢😋。個湯底幾好飲，雞味好濃。
招牌海龍皇泡飯（$1️⃣2️⃣8️⃣）
雖然佢呢間主打米線，但佢呢個泡飯真係好好食😍。除咗有龍蝦之外，仲有蜆同帶子。
本身佢湯底個海鮮味已經好濃郁，佢仲加咗脆米落去，同埋啲飯一齊食，真係食唔停口😚，呢個強推。
今次呢餐真係好滿足，啲嘢食真係好好味😍，一定會再幫襯。
