原作養生湯米線

【九龍城區】【原作養生湯米線】今次嚟到黃埔呢邊搵食，唔想吓吓都食快樂蜂，就喺佢附近睇吓仲有咩選擇。見到呢間「原作」有位而又未閂門，就用佢啦。店員就算好似就收舖都依然好殷切咁招待我一人入座，冇明示或暗示叫我快啲，係抵讚嘅。因為我真係慢慢揀，個餐叫「自由選」嘛。我就叫 $98 嘅「北海道鮮雞龍蝦湯米線」，以自費食碗米線嚟講都唔平，龍蝦味係好濃郁，雞肉都好味，仲有帆立貝喺度，不過硬係好似唔夾咁，唔知點解，樣樣都好，但有種拼埋一齊就好似怪怪哋嘅感覺。我都有叫「優惠價追加小食」，啲嘢其實唔差嘛。加 $18 要咗兩隻「桂花蜜糖雞翼」，普通咗啲。反而加 $14 嘅「雞湯浸娃娃菜」有驚喜，雞湯本身夠醇，娃娃菜又勁甜勁索汁，估佢唔到呀吓。嘢飲方面，我加 $3 飲凍「洛神花茶」，正正常常啦，冇乜特別。埋單 $133，係有心思整嘢食嘅米線舖嚟嘅。。。（地址：紅磡必嘉街120號黃埔花園三期翠楊苑地下34號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #dessert #foodpics #followforfollowback #love #eat #1am九龍城區 #黃埔 #紅磡 #1am紅館 #原作 #原作養生湯米線 #自由選 #北海道鮮雞龍蝦湯米線 #桂花蜜糖雞翼 #雞湯浸娃娃菜 #洛神花茶 #1am1758 #1ambackup…查看更多

其實OMW真係好鍾意大啖食嘢，因為驚有碎骨，所以好少食雞米🫣 但今次OMW又嚟試試佢，事關見到外賣平台佢有半價，Lunch係正常價錢，按返性價比 價錢非常吸引，又平過堂食，就揀咗佢喇～ 🉑龍蝦湯雲吞鮮雞米線一打開蓋其實唔係好聞到龍蝦湯味，反而係湧出嚟有種花膠雞湯味，佢係咪真係龍蝦湯呢我唔係好肯定，飲唔出龍蝦湯味哈哈，但肯定嘅係個湯好好味，當中湯咁飲，OMW飲晒成個湯，冇口渴。（利申：OMW係湯煲，好鍾意飲湯）發掘吓個湯裡面，餸畀得好足，雲吞有3粒，雞都有4-5件，仲有5-6粒蜆肉，米線份量唔少，食到好飽。雲吞同雞都係正常嘢；雞浸咗落湯，叫得外賣就唔expect佢好滑，唔算好鞋可接受（順帶一提，個龍蝦湯係橙色，個雞浸過湯都染咗橙色，但個味就唔係好入倒雞度） ⚠️奶油時菜同事諗住食少啲，嗌咗菜+雞翼當Lunch。佢表示個菜冇味，個湯都冇乜味，菜加埋個湯唔好夠味，食咗少少就掉咗🙈 🉑桂花蜜糖雞翼因為外賣平台半價，$49/10隻，平過平時一大截，即刻叫咗十隻share😆 雞翼係炸雞翼，個皮偏硬，建議返：如果焗嘅話會好食好多。上次食嘅時候覺得啲油唔太靚，今次食冇油益味，都算ok。其實桂花味就食唔倒嘅，就係灑咗啲桂花喺雞翼面。雞翼點埋蜜糖食，鹹甜鹹甜咁就唔錯。 💜溫馨提示：鮮雞米線真係會有碎骨，要小心慢慢食！ 📍原作養生湯米線（ 🉑外賣-紅磡）>紅磡必嘉街120號黃埔花園三期翠楊苑地下34號舖 ✨亮點：個人覺得湯好飲。食呢個可以扮養生，食完又有健康的感覺。趁外賣平台有半價食吓都可以啊，堂食正價就唔好啦哈哈。 🙇🏻‍♀️特別嗚謝：勞苦功高、日曬雨淋嘅外賣員！…查看更多

假期中午時間入到間餐廳唔多人，都覺得伏伏地之後落單，叫咗個花膠雞米粉叫完餐唔使2分鐘就上菜，心諗都知不妙結果真係，首先米粉完全冇米味，米粉係透明嗰隻，食落去好似橡筋咁，已經唔講入唔入味索唔索湯，如果有心做，唔該轉返一隻正常啲嘅米粉至於個湯底冇雞味，唔似係用雞煲出嚟嘅湯，似搵啲雞嘅精華開水出嚟花膠都唔好食，似係咬擦子膠，唔係一塊塊一個午餐$78一碗，真係吹大咗，中一次伏就夠太多網媒打手吹噓呢一間餐廳，講到幾好食，全部都係假㗎…查看更多

坊間養生餐廳越來越盛行，當看見這類型店子，少不免會一探究竟。小食分別有炸蝦丸和麻辣鴨血。裹以紅米來炸的蝦丸再度以荔枝的形態出場，脆卜卜的香口小食，很難使人抗拒得了；況且蝦肉食得到鮮美，相當不錯。鴨血沒有煮過頭，麻辣味不會太搶，主食乃北海道鮮雞龍蝦湯米線。喝一口湯，已感受到蝦湯的威力，龍蝦的精華已溶入湯裡，好龍蝦！雞件不小，兼且滑溜，最妙的是竟然沉浸在蝦湯裡還保留本身的雞味。米線滑是滑的，談不上驚豔，不過爾爾。可以說食過番尋味。…查看更多

叫左“北海道鮮鷄龍蝦湯米線”同“蟲草花膠鷄米線”2個餐，除左湯算正常之外，鷄老少肉；套餐話包熱飲，凍飲要加$3，我要左“自家羅漢果茶”同“檸檬紅茶”，店員話得凍，我就被迫加左$6，唔會再黎🫣😤😤…查看更多

第一次食紅磡養生湯米線，叫左招牌海龍皇湯泡飯。食完睇返個廣告相都爭好遠下。我個碗係得龍蝦同帆立貝，同廣告比係無左帶子，蜆肉，粟米等。都成$150碗，相同廣告幾有距離。咁當然我食完先見至原來爭咁遠都無計啦。純粹睇完衞詩雅過嚟都真係幾失望。…查看更多

因為呢間舖頭都幾近我學校，所以我成日間唔中都會嚟呢度食lunch，晏晝好似抵過夜晚，價錢平啲，而且佢哋嘅米線都幾出名。😋😋😋最出名嘅一定係佢哋嘅花膠雞湯米線，啲雞肉都幾嫩滑，而且花膠份量都唔少，啲花膠仲要幾厚下，加埋牛肉就更加正，今次加嘅係滑牛，口感唔錯，仲有啲蟲草花喺度，同埋杞子，雖然唔多，不過睇落去都幾養生？！😂😂😂最鍾意係佢哋嘅湯底，食完都唔會覺得好鹹好口渴，而且米線嘅份量都算多，嗍咗啲湯底都幾香！…查看更多

在這家餐廳享用了一晚餐，首先點了雞翅，雞翅外皮和內裡保持著肉質的嫩滑，加上特製的醬汁，讓人欲罷不能。這一口下去，讓我彷彿回到了媽媽的廚房，充滿了家的味道。湯麵方面，選擇了酸菜魚，湯底的酸辣程度恰到好處，配料也相當豐富，讓人回味無窮。清爽的飲料搭配，讓整體餐點更加圓滿。雖然價格略高，但這裡的人情味卻讓人感到非常溫暖。服務人員總是帶著微笑，讓用餐過程倍感舒適。總的來說，下次會想過來嘗試他的健康湯品。…查看更多

###在這家餐廳享用了一晚餐，首先點了雞翅，雞翅外皮和內裡保持著肉質的嫩滑，加上特製的醬汁，讓人欲罷不能。這一口下去，讓我彷彿回到了媽媽的廚房，充滿了家的味道。湯麵方面，選擇了酸菜魚，湯底的酸辣程度恰到好處，配料也相當豐富，讓人回味無窮。清爽的飲料搭配，讓整體餐點更加圓滿。雖然價格略高，但這裡的人情味卻讓人感到非常溫暖。服務人員總是帶著微笑，讓用餐過程倍感舒適。總的來說，下次會想過來嘗試他的健康湯品。…查看更多

想試個湯但係個湯一嚟到已經唔夠熱，佢用煲仔裝諗住會好熱啦，點知吹到唔使吹就即刻飲得，上菜之前唔會滾住先俾客嘅咩？仲要話出名個湯。唔怪得知咁快可以上菜，雞係幾好味，但係唔熱成件事真係爭好遠，我仲要食湯飯，係凍嘅湯飯。。…查看更多

8小時真材實料熬製！無味精純天然湯底！必試推介：1️⃣川芎白芷鯛魚片米綫 $85👍特色- 藥材香濃撲鼻- 湯底清甜醇厚- 魚片新鮮彈牙2️⃣滋補黃酒雞湯米綫 $82- 滑嫩雞肉- 濃郁湯底- 米線爽滑3️⃣胡椒豬肚雞米綫 $76- 豬肚入味- 雞肉嫩滑- 胡椒香氣足🌟🌟🌟🌟🌟🌟🌟🌟🌟🌟🌟🌟店鋪資訊：📍地址：紅磡必嘉街120號黃埔花園三期翠楊苑地下34號舖⏰營業時間：11:00-22:00小貼士：❤️14款食材熬煮💚無味精健康之選💛建議晚市早啲去Rating：懶惰鼠😻😻😻😻懶惰虎🤩🤩🤩🤩        …查看更多

$75椰子雞湯米線總共有三件雞全部都係下欄位骨多過肉問個個阿姐佢理直氣壯話係得3舊架咋再叫佢埋嚟望清楚有幾過份阿姐見到都變咗有少少唔好意思入廚房拎多舊黎真係多謝呀未見過湯麵店得3舊雞收人$75…查看更多

一碗超正嘅蟲草花膠雞米線！一落碗，你就會聞到濃濃嘅雞湯香味，真係好誘人。湯底用咗新鮮嘅雞煲，味道醇厚，仲有蟲草花同花膠，食落去特別滋補，對身體好有益。米線滑溜溜，吸滿湯汁，咬落去好有彈性。雞肉切得厚厚，肉質嫩滑，完全冇腥味，仲有花膠嘅Q彈口感，每一口都令人驚喜！再加埋啲青菜，色香味俱全😌😌最正係碗裡面仲有啲香菇同薑片，提升咗整碗嘢嘅風味。呢碗米線唔單止好食，仲係一個好嘅聚餐選擇，無論係家庭聚會定係朋友聚餐，都非常合適。真係推介大家試下，食完你一定會中意 唔誇張！🍜🥢…查看更多

💖 原作養生湯米線 (紅磡)✨紅磡必嘉街120號黃埔花園三期翠楊苑地下34號舖〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️老公話呢一間餐廳係佢返工成日都會去食嘅，今日經過佢就叫我試吓，讚到天上有地下無，叫我呢個非常嘴刁嘅去試吓係咪真係咁好食😌-蟲草花膠雞飯🍲$75以呢個價錢嚟講有咁大兜湯其實好抵嘅，不過我就嫌佢啲飯少咗啲🤣唔係好夠喉。成個湯頭都勁鮮甜，花膠充滿膠質😻。成個飯賣相好吸引，不過隻雞就同我想像中差少少，因為老公同我講話食過好多次都覺得佢啲雞好嫩滑，但係我食咗幾舊都有少少嚡口🥲呢度扣咗少少分。另外加配桂花蜜糖雞翼🍗+$18 & 黑松露糖心蛋🥚 $12。本身都幾期待桂花蜜糖雞翼，不過我覺得最後都係麻麻哋好食🙈我覺得個炸雞翼係炸得好香脆嘅，個桂花蜜糖調味都幾好食，不過兩樣嘢夾埋就唔係咁好味🤔唔知係咪因為係炸雞翼嘅關係，食落有少少油膩嘅感覺再加埋桂花蜜糖成個口感同埋味道都好似唔係好夾🫠我諗可能就咁汁煮會好啲！不過黑松露糖心蛋就幾有驚喜😏唔好睇佢好少黑松露點知入口個味道好濃郁🤩，個蛋黃煮得啱啱好唔會話好熟，有少許留心嘅效果，下次會再叫。-星加坡胡椒豬肚雞米線🍜 $75老公食呢個胡椒豬肚雞米線佢就話好正，嚿嚿雞肉都好滑，個湯佢都係飲晒咁滯✌🏻。胡椒有少少辣喉嘅感覺，我自己覺得好啱呢啲天氣食，食完成個身都會好暖笠笠🥰-檸檬紅茶+$2/杯本身套餐係包熱飲或者凍飲，不過我哋揀咗檸檬紅茶唔知點解每杯要加多兩蚊🤔食完之後真係要大讚佢哋嘅服務🫡，因為我係推BB車去嘅，佢哋嘅職員見到仲幫我泊好架BB車等我哋可以一路食飯都見到BB😌。另外我覺得佢哋出餐好快手🥳order完冇幾耐就可以食！想繼續睇我分享唔同嘅嘢就𝓯𝓸𝓵𝓵𝓸𝔀 𝓶𝓮 @gladysmamalife如果大家有其他餐廳推介可以𝒟𝒾𝓇𝑒𝒸𝓉 𝓂𝑒𝓈𝓈𝒶𝑔𝑒📩…查看更多

之前成日都見有人推介，就過嚟試吓佢嘅lunch， lunch set都好抵食，試咗佢嘅雞米線同埋海鮮泡飯，兩款嘅湯底都非常鮮甜，飲得出係冇味精，而且係落足料去煲出嚟，好似聽講話佢嘅大廚係喺利苑出身，所以煲湯都非常講究，泡飯係有軟飯同脆米，口感非常好，另外都有叫咗小食海蜇頭同埋桂花雞翼，兩款都好好味，海蜇頭非常爽口惹味，桂花雞翼超級脆口，外面有陣陣甜味同桂花香味，入面肉質非常嫩滑，呢度食物質素全部都係中上以上，大家如果嚟黃埔都可以試吓！…查看更多