牛匠石燒 (已結業)

「牛匠石燒」位於尖沙咀金馬倫道，主打當然係石燒牛扒，低、中、高價款式應有盡有，由封門柳、牛舌，至澳洲和牛及鹿兒島和牛均有售，豐儉由人，最平百幾蚊就可以一人一爐食燒肉。除左牛肉，仲有豚肉、雞肉，及蒲燒鰻魚等等供選擇，另外，$168嘅吉列牛睇落都非常吸引。Combo Set加$12配一碗白飯/ $20配一碗味素飯/ $38配一碗味素飯+湯+溫泉蛋。日本A4鹿兒島西冷 ($288): 牛肉質素相當高，脂肪比例較高，油香極為豐富，牛肉非常嫩滑，有種入口即化嘅質感，牛味香，即使不帶醬汁也非常美味。澳洲M9牛胸肉 ($158): 儘管只及鹿兒島和牛約一半價錢，但性價比非常高，質素亦比相像中好。牛肉肉色紅潤，牛味濃郁，脂肪比例雖無鹿兒島和牛咁更高，但分布均勻，同樣帶幾重油香，肉嫩味濃，同樣好食。相比之下，呢款抵食啲。