影片
更多
2024-02-17
1284 浏览
。O小姐。楼上泰菜。日常。话说趁新年嘅时间，同娘亲去一去花园街女人街，睇吓有冇嘢买，行到咁上下见攰攰地，咁梗系去食个饭先啦，再谂又谂，不如去食泰菜？上到嚟，原来餐厅系要一早预约㗎，好彩我哋早食，咁所以我哋都有位可以食个快din!呢度侍应叔叔同埋姐姐都好好人，佢哋都有介绍有啲乜嘢好食，见我系度影相仲帮我摆到靓靓添🤣由于我哋都唔系太想食煮食，所以我哋就叫咗小食拼盘、串烧、炒金边粉、芒果糯米饭同埋两杯嘢饮就算啦（但其实原来好饱好饱好饱）我哋先叫咗沙嗲串烧 - 我哋叫咗鸡同牛，佢个沙嗲汁系好食嘅，同埋都烤得几㶶，好似喺泰国食嘅沙嗲甘😏惊喜嘅系泰式珍宝拼盘，我哋叫咗个细嘅，点解都会有咁多𩠌㗎！佢有鸡翼、鱼饼、虾饼、、仲有春卷！超级多啊，四个人食都得啊，我哋两个人食反而太多啦😳不过佢应该系即叫即炸嘅，好食嘅，所有嘢都脆卜卜同热辣辣煮食方面，我哋就叫咗个炒贵刁，不过不失啦，系油多咗少少，不过啲𩠌就好大嚿，见到好大嚿青口啊！我同娘亲大人各自叫咗一杯嘢饮，娘亲大人𠮶杯系红豆奶茶，interesting !而我𠮶杯呢，就系佢哋嘅泰屋特饮，其实叫完都唔知系咩嚟，问返侍应姨姨，佢话入面有几样嘢嘅，好有咬口，不
话说趁新年嘅时间，同娘亲去一去花园街女人街，睇吓有冇嘢买，行到咁上下见攰攰地，咁梗系去食个饭先啦，再谂又谂，不如去食泰菜？
上到嚟，原来餐厅系要一早预约㗎，好彩我哋早食，咁所以我哋都有位可以食个快din!
呢度侍应叔叔同埋姐姐都好好人，佢哋都有介绍有啲乜嘢好食，见我系度影相仲帮我摆到靓靓添🤣
由于我哋都唔系太想食煮食，所以我哋就叫咗小食拼盘、串烧、炒金边粉、芒果糯米饭同埋两杯嘢饮就算啦（但其实原来好饱好饱好饱）
我哋先叫咗沙嗲串烧 - 我哋叫咗鸡同牛，佢个沙嗲汁系好食嘅，同埋都烤得几㶶，好似喺泰国食嘅沙嗲甘😏
沙嗲串烧
9 浏览
0 赞好
0 留言
惊喜嘅系泰式珍宝拼盘，我哋叫咗个细嘅，点解都会有咁多𩠌㗎！佢有鸡翼、鱼饼、虾饼、、仲有春卷！超级多啊，四个人食都得啊，我哋两个人食反而太多啦😳不过佢应该系即叫即炸嘅，好食嘅，所有嘢都脆卜卜同热辣辣
珍宝拼盘
11 浏览
0 赞好
0 留言
煮食方面，我哋就叫咗个炒贵刁，不过不失啦，系油多咗少少，不过啲𩠌就好大嚿，见到好大嚿青口啊！
炒金边粉
12 浏览
0 赞好
0 留言
我同娘亲大人各自叫咗一杯嘢饮，娘亲大人𠮶杯系红豆奶茶，interesting !而我𠮶杯呢，就系佢哋嘅泰屋特饮，其实叫完都唔知系咩嚟，问返侍应姨姨，佢话入面有几样嘢嘅，好有咬口，不过我都仲未搞得清楚入面系乜嘢😳
9 浏览
0 赞好
0 留言
最后，食泰国嘢梗系要食芒果糯米饭啦！估唔到呢个芒果糯米饭系由两款唔同颜色嘅糯米组成，芒果甜嘅，唔酸！好紧要呀，连平时唔系好食甜品嘅娘亲大人佢都有食到。
芒果糯米饭
14 浏览
0 赞好
0 留言
食饱饱，最后埋单五旧水，以呢个价钱嚟讲，同呢个质素嚟讲都唔差嘅，起码佢份量系足够先，不过下次如果你食嘅话，可能就要订定枱同埋揾多啲人嚟食，咁样先至可以食得多几款啦😏
17 浏览
0 赞好
0 留言
张贴
