隨心 (已搬遷) 新店位置

星期六晚去到平時人流勁多既太古坊揾食，不過由於係周末，平時好難揾位既 星加坡餐廳 隨心，都唔駛排隊就有位開餐，最正既係門口仲可以泊埋車，啱晒我哋一班揸車揾食既朋友！成日都揾東南亞菜嚟食既我，知道有星加坡式肉骨茶，已經決定要嚟試下，因為外面通常賣既都係馬來西亞藥材口味既肉骨茶！店鋪環境幾闊落，乾淨！大大細細既檯都有，一家大細嚟都無問題！餐廳提供既馬來西亞菜式都幾多，而且註明唔用味精，擺明sell真材實料！餐廳有提供兩種口味肉骨茶，相信香港無一間餐廳會同時提供兩種唔同口味既肉骨茶俾客揀！真係誠意十足！我哋先叫左個小食黑蘿蔔糕，用上馬來西亞常用既黑鼓油嚟炒咸得嚟帶d甜味，非常香口！蘿蔔味十足！跟住嚟到既係今日最想食既星加坡肉骨茶，份量用料都十足，足夠2人享用，每碗都配有一條肉排！而且跟足星加坡咁，配黑鼓油同油條，肉骨茶淡淡的黑胡椒味，有清甜既肉味同蘿蔔香，湯煮得比較'杰'身，啱晒用油條索埋湯汁嚟食，黑鼓油帶少少辣味，用嚟點肉排最好不過！除左點了肉骨茶外，我哋仲點左個餐廳既招牌菜，海南雞飯，海南雞皮滑肉嫩，黃薑飯香口唔油膩，3款醬汁有各自既特色，甜有黑鼓油，咸有薑蓉，辣有辣椒汁，每款醬汁都做得