影片
更多
2017-10-18
1662 浏览
去完韓國之後好耐無食炸雞喇，趁今日早收工就同同事過左黎海港城睇下呢度LCX個小熊學校15週年有咩睇，當係探下自己啲朋友嘛。之後行經呢度見煙霧迷漫，就入左黎一探究竟。估唔到未夠七點就已經咁多人，本身想坐入去海景玻璃嗰邊，但店員告知俾人包左黎開生日會，真係羨慕佢地可以嘆住靚景開餐。呢度裝修簡約坐得幾舒服。不時見店員捧住冒煙嘅餐盤進進出出，所以我地都唔執輸點返個過下癮。冒煙得最勁係呢度嘅招牌冷麵，有得揀手撕牛肋骨，辣豬肉同素菜。反正價錢差不多我地就揀左牛肋骨。一上枱乾冰煙不停冒出，未食已經覺得十分消暑了。牛肋骨冷麵質感彈牙，牛肉滷煮得入味又鬆軟。偏甜嘅味道配上泡菜青瓜絲同水梨絲，入口清爽又降低牛肉嘅厚重感，十分可口。而其中柚子汁起了關鍵作用，醋酸味令冷麵及其他配菜嘅味道更突出亦令飽滯感一掃而空。之後店員送上嘅水果覆盆子紅醋，因為唔夠手快啲煙散左先影，可惜。水果醋酸甜平衡度啱啱好， 無論係之後嘅拌飯或薄餅都同佢幾夾，薄荷同迷迭香嘅配合更有清爽感覺。韓式伴飯，飯量唔多但伴料好多：黃豆芽／菠菜／胡蘿蔔／青瓜／泡菜同牛肉應有盡有。將所有材料充分混合再伴上辣醬，入口口感非常豐富亦有濃濃麻油香味，蔬菜經
估唔到未夠七點就已經咁多人，本身想坐入去海景玻璃嗰邊，但店員告知俾人包左黎開生日會，真係羨慕佢地可以嘆住靚景開餐。呢度裝修簡約坐得幾舒服。不時見店員捧住冒煙嘅餐盤進進出出，所以我地都唔執輸點返個過下癮。
冒煙得最勁係呢度嘅招牌冷麵，有得揀手撕牛肋骨，辣豬肉同素菜。反正價錢差不多我地就揀左牛肋骨。一上枱乾冰煙不停冒出，未食已經覺得十分消暑了。
牛肋骨冷麵質感彈牙，牛肉滷煮得入味又鬆軟。偏甜嘅味道配上泡菜青瓜絲同水梨絲，入口清爽又降低牛肉嘅厚重感，十分可口。
而其中柚子汁起了關鍵作用，醋酸味令冷麵及其他配菜嘅味道更突出亦令飽滯感一掃而空。
之後店員送上嘅水果覆盆子紅醋，因為唔夠手快啲煙散左先影，可惜。
水果醋酸甜平衡度啱啱好， 無論係之後嘅拌飯或薄餅都同佢幾夾，薄荷同迷迭香嘅配合更有清爽感覺。
韓式伴飯，飯量唔多但伴料好多：黃豆芽／菠菜／胡蘿蔔／青瓜／泡菜同牛肉應有盡有。
將所有材料充分混合再伴上辣醬，入口口感非常豐富亦有濃濃麻油香味，蔬菜經過汆燙仍保持爽脆，加上微辣嘅味道更刺激食慾。
因為冷麵剩下來少少紫菜，所以我地將之加入去伴飯中混着吃，滋味即時提升不少。
羽衣甘藍薄餅，我地只加左芝士做TOPPING.羽衣甘藍混入薄餅中除左可以減低其青澀味，食起來更覺香脆煙韌。焦香芝士令平平無奇嘅蔬菜薄餅，一躍成為可口美食。美味都可以係咁簡單。
青檸炸雞份量好大，真係好大。同同事兩人分都差啲食唔晒。
炸雞塊入口香脆，雞肉仍保持嫰滑有肉汁。伴以青檸汁及牛油果醬，入口酸甜大大降低油炸食物嘅油膩感覺。芝士粉係酸味入面嘅亮點，因為食多兩件炸雞酸味仍留在口腔之內，芝士粉就在這時帶出一點點甜味，令味道產生變化不會這麼單調。
飽餐一頓之後，就當然要以甜品作結。
雪糕配焦糖永遠都唔會令人抗拒，加上鹽味爆谷嘅變化，一匙又一匙不消一會就只剩下空杯了。本想動手同事嘅奶凍，點知佢比我更快一步食完，真可惡。呢度環境，食物質素都不錯，如果坐到窗口位望住維港就更加錦上添花。
张贴
