影片
更多
2019-08-13
7550 浏览
講起KIKUSAN，第一印象係人龍，無論係LUNCH定係DINNER，都係人龍，所以在中環返左咁多年工，都未試過食KIKUSAN。 但朋友話糧尾，又要食得好少少，但又要在置地，咁唯有佢一間可以滿足到呢啲要求。晚上7點半，己有接近30人排隊，重點係入面已滿座，全部都係人，但奈何幾個都話想試，唯有向惡勢力低頭。 排了接近45分鐘，終於入到去。安排了4人枱，但可能實在太多人，所以水都係叫左一排先有人酙。 點了招牌的KIKUSAN卷，這卷真係好抵食，滿滿的三文魚子和海膽，仲有滿滿的吞拿魚蓉，先80幾蚊，堂食來說，性價比好高。 鰻魚飯都抵，大大塊鰻魚，燒得好靚，加埋燒汁，送飯一流，份量好多。 牛油果豆腐凍食，配搭出黎的味道幾夾。大家都爭住食。幾欣賞個千層豬扒面，因為真係睇得出塊吉列豬扒有幾層，誠意之作。辣度都好，麵軟硬適中，果然招牌。 韭菜煎餃子大大隻，皮不算薄，但都有部份皮煎得脆，餡都夠多。糖醋骨醬汁較杰身，甜度剛好但略嫌某啲部份較肥。 埋單每人約$130，置地來說十分抵食，所以明白長人龍是有其原因的。不過要是不喜排隊的話，就選擇其他吧，因為這裏有限時，排得耐耐，食
但朋友話糧尾，又要食得好少少，但又要在置地，咁唯有佢一間可以滿足到呢啲要求。晚上7點半，己有接近30人排隊，重點係入面已滿座，全部都係人，但奈何幾個都話想試，唯有向惡勢力低頭。
排了接近45分鐘，終於入到去。安排了4人枱，但可能實在太多人，所以水都係叫左一排先有人酙。
點了招牌的KIKUSAN卷，這卷真係好抵食，滿滿的三文魚子和海膽，仲有滿滿的吞拿魚蓉，先80幾蚊，堂食來說，性價比好高。
鰻魚飯都抵，大大塊鰻魚，燒得好靚，加埋燒汁，送飯一流，份量好多。
牛油果豆腐凍食，配搭出黎的味道幾夾。大家都爭住食。幾欣賞個千層豬扒面，因為真係睇得出塊吉列豬扒有幾層，誠意之作。辣度都好，麵軟硬適中，果然招牌。
韭菜煎餃子大大隻，皮不算薄，但都有部份皮煎得脆，餡都夠多。糖醋骨醬汁較杰身，甜度剛好但略嫌某啲部份較肥。
埋單每人約$130，置地來說十分抵食，所以明白長人龍是有其原因的。不過要是不喜排隊的話，就選擇其他吧，因為這裏有限時，排得耐耐，食得匆匆就唔好啦。
张贴
