影片
更多
2018-07-02
1107 浏览
星期五晚，約咗同事去銅鑼灣行街買衫。血拼完一輪都已經晚上九點幾，所以去醫肚。一致決定去周月食拉麵。其實一早已經聽聞周月個名，但一直都未有機會去。難得今日人少少，決定去試吓佢嘅拉麵。餐廳比想像中大同埋闊落，而且好貼心，餐牌都印晒啲圖片俾客人睇，而且提供膠圍裙同埋橡筋。點了個黑豚香蔥拉麵和周月拉麵。侍應說其實拉麵的湯底除了鹽味拉麵，其他都是一樣的，不過可選濃或淡。拉麵很快上枱，黑豚香蔥拉麵名副其實的好多葱，黑豚細細件、長長方方的，厚度剛好，肥瘦適中，幾好食。流心蛋做得稱職，橙黃色的蛋，流心樣子誘人。拉麵是我喜歡的幼面底，份量頗多，而且掛湯能力不錯，湯底濃而不膩。招牌的周月拉麵其實就是黑豚香蔥拉麵減去了香蔥的版本， 適合不喜歡吃葱的朋友。推廣期內仲可以用優惠價＄6換購汽水或小食，所以好抵。不得不讚下呢度的周餃子， ＄45有5隻，皮薄餡靚，而且煎得金黃香脆，入面仲有好豐富嘅肉汁， 十分值得吃。當其他拉麵店都排長龍的時候，不妨行過2條街黎周月，食得開心又坐得舒服，下次要黎試埋佢啲沾麵先！！！
餐廳比想像中大同埋闊落，而且好貼心，餐牌都印晒啲圖片俾客人睇，而且提供膠圍裙同埋橡筋。
點了個黑豚香蔥拉麵和周月拉麵。侍應說其實拉麵的湯底除了鹽味拉麵，其他都是一樣的，不過可選濃或淡。
拉麵很快上枱，黑豚香蔥拉麵名副其實的好多葱，黑豚細細件、長長方方的，厚度剛好，肥瘦適中，幾好食。
流心蛋做得稱職，橙黃色的蛋，流心樣子誘人。
拉麵是我喜歡的幼面底，份量頗多，而且掛湯能力不錯，湯底濃而不膩。招牌的周月拉麵其實就是黑豚香蔥拉麵減去了香蔥的版本， 適合不喜歡吃葱的朋友。
推廣期內仲可以用優惠價＄6換購汽水或小食，所以好抵。
不得不讚下呢度的周餃子， ＄45有5隻，皮薄餡靚，而且煎得金黃香脆，入面仲有好豐富嘅肉汁， 十分值得吃。
當其他拉麵店都排長龍的時候，不妨行過2條街黎周月，食得開心又坐得舒服，下次要黎試埋佢啲沾麵先！！！
张贴
