Bistroholic (已結業)

放工約埋兩位老死，走到銅鑼灣食西餐。上次有間意大利餐廳好想試，但因為新開張無耐，所以未正式營業，今次返去係專登為咗試佢。 餐廳唔大，但係裝修、擺設都幾有格調。先來咗個煙燻黑松露松板肉沙律。上枱係用蓋合住，拎開蓋，啲白色的煙霧離漫，有陣陣橡木香。 侍應話廚師係想刻意營造返豬係森林揾黑松露的畫面。因為以前搵黑松露嘅主要係用豬，但後來因為豬朋友太為食所以呢先用狗去揾。呢個菜式入面有豬頸肉啦，同埋唔同嘅果仁仲有唔同嘅蔬菜，帶點森林的意境。 第二道餸就係花蓮辣椒番茄海鮮意大利粉，蝦有三大隻仲有不少大蜆！好鍾意佢意粉嘅質地，食落口微辣，啱晒我哋呢啲唔食得辣但有想過後人的人。蝦又爽口彈牙，好好食。 海膽意大利飯係另一推薦。平常不太喜歡將生海膽配熟食。但這個飯將馬糞海膽搗成醬，混入了意大利飯中。入口食到海膽鮮甜又creamy，加埋粒粒香煎了的北海道大帶子，味道無可排剔！ 最後點多左個釀雞翼，估唔到個釀雞翼好令人驚喜！飽滿的雞翼入面無骨，一半爽彈蝦肉，一半係台灣腸。三重層次的享受，加埋香脆的雞皮，一食上癮。 甜品Tiramisu同樣令人驚喜，質地creamy而帶濃濃酒香，入口甜度剛好，那即溶的感覺令人