影片
更多
2016-05-25
1285 浏览
Working Monday又係揾野食嘅時候。返工忙左一日，放工想食啲甜野。咁啱朋友推介去貴族甜品可以任食，所以就去試下。貴族甜品都食過好幾次，水準都幾穩定。朋友住荔枝角附近，所以放工join埋，篤左串魚蛋就去食甜品。甜品放題分一3回，首輪$108，次輪7～11點$158，11點後就$108。 可以任食1.5小時，其實十分超值，因為可以食差不多過百款甜品，食4、5款都抵返。我地先點左個白雪黃金卷，椰汁河粉包住鮮甜的芒果，芒果好甜，椰汁河粉質感好好，唔易爛，包住一齊食，好好味，兩者好夾。因為唔夠喉，所以叫多左個芒果布甸。布甸奶味好香好濃而且好滑，唔太甜，上面鋪滿鮮甜芒果，兩者配合得啱啱好。芒果系列真係好好食。朋友見吐司金磚造型好靚，所以都叫左一個。個金磚比起出面食的，唔算大，但見得出有心思。因為面包皮已經切左再拎去烤，每條面包條都預先塗上吉士醬和士多啤梨醬。再係上面放球雪糕。食每條面包都唔覺乾，啲醬完全配合到烤得香脆的面包，基本上唔使依賴雪糕去點黎食。好欣賞呢種貼心。食完個吐司，其實已經飽到一個點，但朋友話仲要食埋個宇治金時先收手。一如既往，宇治金時大大碗，上面有球綠茶雪糕，下面是滿滿的
朋友住荔枝角附近，所以放工join埋，篤左串魚蛋就去食甜品。甜品放題分一3回，首輪$108，次輪7～11點$158，11點後就$108。 可以任食1.5小時，其實十分超值，因為可以食差不多過百款甜品，食4、5款都抵返。
我地先點左個白雪黃金卷，椰汁河粉包住鮮甜的芒果，芒果好甜，椰汁河粉質感好好，唔易爛，包住一齊食，好好味，兩者好夾。因為唔夠喉，所以叫多左個芒果布甸。布甸奶味好香好濃而且好滑，唔太甜，上面鋪滿鮮甜芒果，兩者配合得啱啱好。芒果系列真係好好食。
朋友見吐司金磚造型好靚，所以都叫左一個。個金磚比起出面食的，唔算大，但見得出有心思。因為面包皮已經切左再拎去烤，每條面包條都預先塗上吉士醬和士多啤梨醬。再係上面放球雪糕。食每條面包都唔覺乾，啲醬完全配合到烤得香脆的面包，基本上唔使依賴雪糕去點黎食。好欣賞呢種貼心。
食完個吐司，其實已經飽到一個點，但朋友話仲要食埋個宇治金時先收手。一如既往，宇治金時大大碗，上面有球綠茶雪糕，下面是滿滿的小丸子和紅豆，沙冰係最下面。小丸子好煙韌，配合紅豆同沙冰黎食，唔太甜，但甜度剛剛好，我第一次黎貴族就係食宇治金時，到而家質素都維持到，好抵讚。
貴族甜品係店主用心打造，希望港人可以係一個充滿藝術氣息的地方享受甜品，這個心思，值得支持，加上甜品款式多樣，比起其他店，坐得舒服好多。所以，有得揀，我會揀係呢度一邊望住靚油畫，一邊食甜品。
张贴
