甜入心 (已結業)

去印度前問友人借相機，相約在甜入心，順便試埋心儀已久的布甸椰皇子。小店新開不久，未造成人潮。所以閒日夜晚人不多，去到就即刻有位。點了賣相吸引的布甸椰皇子，友人點了的香檳果凍。上餐速度有點慢，友人唯有一邊教我用部相機一邊等甜品到，點知佢部機原來規格比我部仲低，十萬個無奈。慶幸皇子終於上枱，順下條氣。但佢個果凍仲未到，叫店員跟下，一跟又等左幾耐下，等了又等，終於等到。整體黎講，價錢相宜，味道又不錯，是晚相機惜唔到，唯有安慰自己試到新野補數。