蝦蝦燒

营业中

休息中

放工和男朋友來到佐敦食蝦蝦燒，因為之前食過荃灣分店流水蝦，他就念念不忘，想再食！今日再試佐敦分店。星期四晚上到去都爆滿，十分旺場，唔少人已經放到滿枱都係。餐廳比荃灣更大，食物都係擺放得井然有序，食物區主要在上樓梯區域，和餐枱區開，十分方便！燒烤食品有好幾十款，串燒、扒類、蔬菜都分佈在幾個長雪櫃！還有2個大雪糕櫃，放滿雪糕。不過最吸引的還是海鮮，好新鮮！飲品有罐裝汔水、韓國清酒、罐裝啤酒也是任飲，更有Qoo好正！我地坐低第一時間去拎海鮮，扇貝、帶子、鮑魚、生蠔，巨蜆等，而男友則撈蝦，隻隻生猛的大蝦，任撈！大家爭取時間，分頭行事。汲取了荃灣店的經驗，我地準備了大量的蒜蓉和葱，好似上次咁自製蒜蓉帶子扇貝，今次燒得更多更快，蒜蓉好香，帶子扇貝鮑魚鮮甜而且厚肉，食左成打！燒爐上層可燒海鮮，下層就可放串燒，一次過燒到好多。羊鞍必食，呢度啲羊鞍完全無羶味！雞軟骨、雞皮、牛柳粒串等，串燒都好好味，有質素，菠蘿更加係必食！不過主角當然要食蝦，食極唔厭，隻隻生跳跳，蝦肉彈牙，燒到脹卜卜，點上自家製泰式辣汁，好好味，encore了很多轉。當然其他海鮮亦不能放過，生蠔食了兩轉，鮑魚亦食了兩轉，仲有超巨型蜆，充