Zappy (已結業)

好耐冇見既朋友，緊係要1）搵一個又坐得舒服，2）環境又好適合gathering ，最重要係啲3）野食睇落去都好好味既餐廳，於是上網搵到依間，可以滿足我地3個願望既餐廳!! 香煎鵝肝佐藍莓紅酒汁鵝肝煎得好香，配埋麵包，咬落去一啲都唔覺得好肥，口感好好，唔油，個鵝肝味好正！泰式冬蔭公蝦意大利麵上網 + 現場，好多人點依款意大利粉。冬陰公味好濃好香，麵質好好，唔會太軟。唯獨，咸咗小小。各式水果雪吧（桃味）外表好靚，打卡最佳之選，食落冇咩特別口感一般北海道千層蛋糕反而有驚喜，唔會一吉就散。

舊同學約食飯，佢揀左呢間位於銅鑼灣的一間樓上Cafe..門口已經比人一種清新的感覺~由於太早到GE關係，未算好多人，但Cafe環境都算寧靜舒服...Menu上的選擇都不少.. 樣樣都好想試啊! 我地最後叫左一個Set Dinner，另外再加D野食!餐湯 - 粟米湯粟米味好濃，好香好好味! 大讚! 無花果甜橙合桃沙律感覺好清新，無花果食落好甜，配埋香橙，味道好夾，而且唔會太酸!黑松露蟹肉意大利飯意大利飯的軟硬程度適中，而且好香黑松露味，而且飯當中混合住不少蟹肉，食落啖啖蟹肉，十份推介!炸物拼盤小食黎講2人的份量岩岩好，特別喜愛佢GE泡菜雞翼餃子，好入味，夠香口!卡彊烤雞沙律呢個烤雞沙律簡值不得了! 又大碟，D雞肉份量又多，而且勁香口。當中另外有我最中意的牛油果同蕃茄，食完勁有滿足感!總括呢間Cafe真係誠意十足，食物質素中上，而家環境舒服，好岩傾計，而且服務態度非常好! 值得推介

個人對樓上cafe好有 bias,細過幫襯過既永遠都係伏..今次黎呢間有好有驚喜😆出𨋢見到舖仔細細，門面又黑人唔算太多，不過其實重好，可以座得舒舒服服留到差不多收舖唔係太肚餓，點左個烤雞沙拉，個雞用左孜然粉醃，勁香口，沙拉有少少沙沙既感覺，有牛油果同蕃茄，夠晒飽肚😆食完勁有滿足感另外仲點左個黑松露蟹肉意大利飯，個飯雖然唔係最正宗既6、7成熟硬度，但食落都有口感，大大堆既黑松露醬夠晒惹味見到蟹肉都落得好足

一邊聽住音樂, 一邊食飯, 感覺輕鬆, 環境清幽, 再加上老闆娘非常之有善, 介紹菜式, 一份親切嘅感覺今日想食飽啲, 就一於選擇食飯呀,  risotto 同PASTA都有幾款選擇, 好耐都冇食過帶子啦, 見到有香煎帶子墨魚汁意大利risotto, 就一於揀佢啦大概等咗一陣就上枱啦, 哇! 個帶子有三舊, 非常之大呀! 巨型嘅帶子真係吸睛, 忍唔住就先食一口, 咬落去變得非常之香, 裏面嘅帶子係刺身級肉質, 非常鮮嫩, 煎得啱啱好, 再試埋佢嘅意大利飯, 黑色一粒粒, 掛滿咗墨魚汁, 墨魚嘅鮮香配意大利飯感覺都唔錯! 味道濃郁，creamy 係有傳統的口感, 真係不錯不錯

來到銅鑼灣，時間已是黃昏，準備為晚餐安排一下，走上百利中心，雖然是商業大廈，卻有著不同的食肆，最後選擇了它…步出升降機，看到一片綠色的仿草牆身，再向前走，已經聽到店員＂歡迎光臨＂的迎接，店員有禮的示意，讓我隨意的選擇，就在窗旁的位置坐下來，餐廳座位不算多，但空間感足夠，坐下來了感覺挺舒適。餐牌是一頁之紙（底面兩頁），這應該是現在流行的簡約風吧。我點選了＂龍田揚炸雞＂及＂泰式冬陰蝦意大利麵＂。龍田揚炸雞＄58，吃一口炸雞，外皮酥脆，肉質頗嫩滑，配上特色沙律醬一起來吃，是款不錯的＂開胃＂小食，味道真的很好。泰式冬陰蝦意大利麵＄148，經過五分鐘左右，意粉送上桌上，橙紅色的外觀非常吸引，大蝦數量之多，機乎把意粉遮蓋，用料十足。先來吃一口意粉，酸味和微辣直接刺激味蕾，就像喝下一口冬陰公湯一樣，濃郁惹味，味道令我十分驚喜，由於意粉是選用中等厚身的扁意粉，所以充份吸收了醬汁的味道，令每一口的味道均勻，味美可口。再來吃一口大蝦，大蝦屬於中等偏大的大小，爽脆而有鮮味，味道比較樸實，並沒有添加多餘的調味，我想這樣是廚師巧妙的處理，無論是先吃一口意粉或鮮蝦，也是一濃一啖的口味，配搭得宜，令味道更有層次感。

同朋友慶祝生日專登搵咗間環境幾好嘅cafe促膝長談，位置遠離銅鑼灣鬧市，比較偏僻不過唔難搵嘅～上到去發現環境真係好靜，成個格局都比較適合情侶/朋友靜靜談心，當然亦可以開支酒或者cocktail摸下酒杯底咁，不過我地個晚就冇嗌酒，都係focus返係野食度😂😂有齊晒前菜、頭盤、主菜、甜品、配菜等等每樣3~7款選擇，講真就唔係好多，不過都見到有啲菜式係特別又創新，嗌完已經好期待🤤🤤首先係白酒忌廉汁煮紐西蘭青口，上面配有雜菇，見到兩粒咁大就以為只有兩粒。。。一夾走先發現原來個底仲有兩隻細少少嘅，兩者分別係一紅肉一白肉，即係公青口同母青口，不過食落就冇咩分別，青口肉厚而且爽口，成粒肉畀非常濃郁嘅忌廉汁包圍住～但略嫌白酒味唔算好出第二道食嘅係卡彊烤雞沙律，用卡彊粉做嘅烤雞又惹味又嫩滑，推薦要點！卡彊粉係美國紐奧良的香料，味道香辣，多數都用黎整雞。配合沙律係一絕！辣辣地又有啲菜中和一下，仲有牛油果、番茄粒同芒果粒，成個味道平衡返～主菜就係泰式冬陰公意大利麵，好奇冬陰公配意粉會咩味呢？就係變咗泰式風味意粉😂😂扁意粉好有咬口，個汁同意粉比例都岩岩好，唔會太乾又唔會太似湯，冬陰公係偏酸，加上咗彩椒就變酸酸

在利舞台附近逛街，找找有甚麼好吃的，千挑萬選之後，結果摸上了一間簡單而陸重的西餐廳。餐廳在商業大廈的樓上鋪，有格調又寧靜的環境。雖然看格局看似很高級，但又意想不到地吃到十分實在的美味～連餐牌也是十分簡單，應該是貴精不貴多吧。是日餐湯 牛肝菌湯精選頭盤頭盤的款式會定期轉換，我也是問了是日頭盤是青口才升級，其實就是餐牌上的白酒忌廉汁煮妞西蘭青口。一份總共有四隻，配忌廉汁炒雜菇，青口大隻又爽口，只不過頭盤吃忌廉汁有點heavy...卡彊烤雞沙律 $88除煙三文魚、牛油果以外的沙律，這款比較少見，卡彊烤雞用上一種特別的香料，烤至表皮香脆，雞皮沾滿香料，有種土匪雞翼的味道，帶點微辣。雞件的份量可算是大件夾抵食，兩人份量來說都算很多。而沙律菜的種類不算多，配日式胡麻醬有點格格不入，因為肉類太多，可能配沙律醋會更清新，菜的比例多一點就好了。黑松露蟹肉意大利燉飯 $148很重手的黑松露，拌勻後蟹肉、飯和黑松露的比例是一比一啖啖都是蟹肉絲，有時會吃到殼，不過也證明了是真蟹肉吧～忌廉汁也很濃郁，但多吃會覺得有點膩，分兩份都已經夠兩個人分享。升級套餐加88 有頭盤+餐湯+飲品～

今晚同朋友慶祝生日，特意選了這間樓上cafe, 已食過這間餐廳很多次了，就是喜歡它餐廳不算太大，但感覺寧靜舒服，食物也好吃，價錢也不算太貴。。。今次我地叫了無花果甜橙合桃沙律（很喜歡佢嘅沙律汁，感覺好fresh），炸雞，春卷，煎帶子墨魚汁意大利飯（帶子很大隻），烤豬胺（豬鞍一d都唔鞋）等，全部食物味道都好好，最後叫了菠蘿雪葩，好正吖，聽說菠蘿雪葩經常缺貨的，今次終於食到，之前食過桃雪葩，味道也不錯的

朋友話呢間Cafe好好味，一直未有時間黎試。今個月終於得閒啲，就同男朋友黎試下先呢間Cafe細細間，一坐低就感覺好溫馨我地叫左煙三文魚牛油果沙律好清新，煙三文魚份量非常足！仲有卡疆烤安格斯牛小排伴意式黑醋汁牛小排好大塊，食落啖啖肉，而且烤得剛剛好，不會太過熟透。配上黑醋汁，口感好獨特。仲有黑松露蟹肉意大利燉飯賣相其實幾普通，但味道令人驚喜！飯中混左蟹肉和黑松露，再加上燉嘅效果，口感好有層次。將蟹肉和黑松露的味道融入係飯中，好好味！下次會帶屋企人黎試下

星期六同朋友去咗呢間位於銅鑼灣嘅餐廳食晚飯~先講下餐廳嘅環境， 雖然餐廳唔大， 座位唔多，但係整體感覺好舒服，有屋企嘅感覺。我同朋友一共叫咗三款食物。 兩款主菜分別係煎羊架配薄荷乳酪汁同埋黑松露蟹肉意大利飯。另外，我哋仲嗌咗一款甜品－－蜜桃雪葩！我覺得煎羊架好好味~因為羊架肉質鮮嫩外皮煎得香脆，但係仲保持到有豐富嘅肉汁，配上清新嘅薄荷乳酪汁，所以感覺一啲都唔覺得肥膩。 黑松露蟹肉意大利飯同樣咁好味！ 意大利飯嘅質地軟硬適中，而且蟹肉 嘅份量好多，蟹肉非常鮮甜，一啲都唔腥，配上黑松露醬就更加惹味。 蜜桃雪葩起咗畫龍點睛嘅作用， 令成餐飯生色不少！雪葩用原個蜜桃裝住，賣相已經非常吸引， 雪葩唔會太甜味道，非常清新，啖啖蜜桃香味~另外，餐廳仲提供多款酒精飲品。 呢間餐廳的確係同朋友暢飲、品嚐美食嘅好地方哦~

朋友下星期要去英國讀書，臨走前當然要搵間又靜又好食的cafe一聚慢慢傾啦。Cafe 食物，環境都好好，好欣賞他的廁所好靚好乾淨。唯一美中不足的是，大廈有好多餐廳酒吧，但lift得兩部，而且載不到超過10人。 所以等lift 已經用左15-20分鐘。我地6個女仔，但胃口都好細，所以淨係叫左一個前菜，兩個小食，一個main course，兩個意大利飯同麵。 每碟的presentation 都好靚，而且份量都好多。

呢間餐廳比較細，但個feel 好輕鬆，銅鑼灣返工真係好，咁多選擇！我同同事order 兩份黎share ! 孜然雞扒好好食，份量好大，share 會比較好，另外order 左個fish and chip, 都唔錯，個drink 有果汁揀。餐廳人唔算多，所以感覺好正。本來加錢可以食埋蛋糕，但個main 已經好夠，下次先再試！

今日幫朋友慶祝生日,因為聽人講銅鑼灣有個cafe一直無咩時間去試，於是就去左試下，之前已經一直想食cafe，但係一直都就唔到呢個fd，今日終於約到去食喇。一入去都令人覺得都幾大，地方俾人感覺都算寬敞。仲要望埋個街景，真係幾舒服架 黑松露薯條呢個絕對值得讚下架，薯條即叫即整而且都幾香黑松露味，感覺好惹味，入口都仲係脆，感覺都真係唔錯。 安格斯牛扒你無睇錯呢度嘅 安格斯牛扒真係足料架，夠晒份量，又重牛味呢度嘅野食真係幾豐富下，都算係咩都有啲估唔到樓上舖頭都唔錯，真係令人幾意外，下次都要同其他人黎先得。

又到放工時候緊係搵間就腳嘅好野食下野喇，係openrice搵左一陣，最終決定去呢間離公司近嘅餐廳，地方雖然唔算太大，但員工就夠晒親切，個人真係好耐無食過cafe豚肉 主食我地叫左個豚肉，呢個真係值得食下，豚肉係有質素嘅，豚肉本身唔會太肥，入口夠肉味，連皮煮完都係脆身，真係一個幾令人驚喜。沙律呢度嘅沙律都真係幾有心思，夠份量唔再講，重點係沙律嘅醬，師傅都好細心咁幫食客調的，唔會入口好多油膩餐廳嘅野食都真係幾令人興奮，咩都有得食下，價錢都唔算太貴，幾個朋友食下野傾下偈都算係好地方，下次都要再黎先得。

係銅鑼水放飯選擇真係多，本來諗住食老麥，跟住突然發現餐廳，見到餐牌啲價錢好似都ok，係openrice睇左一陣，最終決定去呢間餐廳，地方都算幾大，但員工好有熱心招呼我地，都幾貼心蜜瓜巴瑪火腿店員強烈推薦我地叫個蜜瓜巴瑪火腿食下，不過上枱之後我地都發現個蜜瓜巴瑪火腿真係好唔錯下，店員話蜜瓜巴瑪火腿用嘅蜜瓜，係正野黎架，巴瑪火腿入口咸香味真係好濃下夠晒味燒牛扒呢度嘅牛扒雖然係冷藏貨，不過都真係有啲意思，份量足之餘，師傅係晚市前會預先解凍架,真係都幾貼心,等客人叫嘅時候，入口唔會有雪味貼心嘅服務再加埋唔錯嘅食物,餐廳都值得再食下