YOUTEA FOREVER (已結業)

終於有機會去葵廣試到奶蓋關注組熱捧既Youtea Forever啦🤤聽聞佢地既芝士奶蓋真係好正，咁當然要試下啦見到佢地奶蓋系列主要有茶底同水果沙冰底，諗左好耐決定試下比較少見既橙紅茶底。所以點左:=芝士奶蓋橙紅茶=茶底既橙味好出，仲有啲橙粒粒係入面，清甜唔酸，叫微糖啱啱好，好適合熱天飲👍🏻個奶蓋真係不得了，睇相就知真係比得好重手，又厚芝士味又濃，而且意外地同橙味係好夾，真係好好飲有機會既話會想試下佢地其他飲品，呢個質素好值得Encore

專登去葵廣試好多人推介嘅Youtea。Openrice search過，價錢加幅好犀利， 芝士芒芒奶蓋冰5月時係35元， 6月時係38元， 今日已經去到40元😑🙄。 因為覺得太貴，所以轉飲咗芝士奶蓋茉莉綠茶。 加幅真係太多。😫不過因為山長水遠走入新界，所以貴咗都試下啦😌 芝士奶蓋茉莉綠茶， 走冰，店員話因為啲茶好熱，所以盡量少冰。我有叫多奶蓋，店員都好好禮貌話可以😊。原來我少同多嘅概念同店員係完全相反😂。芝士奶蓋份量當然唔能夠同茶色生香比，已經多咗啲？！一入口係有陣鹹香，芝士味都適中。不過佢啲冰真係超級多😑😑😑🙄🙄🙄，我明明係嗌少冰，但係佢有成半杯冰👎👎👎。如果真係用熱茶沖落去，啲冰唔會多到咁。店舖嘅銷售技巧真係又呃到我，不斷中伏。 杯嘢勁快就飲完，全部都冰。 性價比極低，下次都係嗌返其他可以就冰嘅茶飲店冰就嚟到杯底飲完仲有半杯冰

星期一飲番杯醒醒神🤣呢間奶蓋真係好好飲好厚好足料，自從試過呢間之後，暫時冇第二間可以取代❤️今次兩杯都係奶蓋😋😋芝士草莓奶蓋冰💕芝士芒芒奶蓋冰💕奶蓋好厚，佔左杯身1/3，第一啖就飲到好重芝士味，小小咸咸，停唔到口。就算飲到尾，依然飲到奶蓋，唔會被冰溶左之後溝淡左。草莓果杯酸酸甜甜，有小量草莓肉，杯底仲有一粒粒椰果，好有咬口，冇咁單調。芒果好有芒果味，有小量果肉，碎冰打得夠碎，唔會食到一粒粒冰。

放工睇戲，梗係要來葵涌廣場掃街啦。 我最近見到有間新開嘅飲品店，於是就過嚟睇吓。見到佢哋用熊仔膠樽裝住奶茶、洛神花茶同玄米綠茶，都係$20一支非常抵飲。 如果想飲新鮮即沖嘅飲品亦都可以即場叫，何以叫少冰、少甜、走奶等服務。非常體貼。每一次買嘢仲有幸運輪抽獎，有機會再多一杯飲品。 檸檬金柚QQ綠茶 $30少少酸帶點甜味, 好重檸檬味. 非常新鮮再加埋QQ嘅透明水晶, 非常好咬同好飲。芝士奶蓋鐵觀音 $33該店嘅招牌飲品就喺芝士奶蓋系統，一定要叫來試試。 芝士非常香濃，唔會太蘇。 奶蓋非常重香濃嘅牛奶味， 鐵觀音亦都好有茶香。 三樣味道Max埋，簡直係絕配。 仲可以叫店員調配你喜歡嘅味道。下次再嚟葵廣一定會再嚟幫襯, 因為太好服務而且飲品非常足料，極力推薦比大家。

葵廣真係成日都有好多唔同嘅新鋪開，今次嚟到見到呢間茶飲店新開都幾多人買，OpenRice上面嘅好評都好多，咁一定要試吓啦！🍴 芝士芒芒奶蓋冰 $38 (7/10)冇諗過有寒天粒粒！🤣有好多寒天，口感Q彈好爽口，仲有真芒果粒粒，芒果汁有芒果味不過唔算太濃，唔算太假，甜甜地，個人覺得走甜都甜咗少少。芝士奶蓋都厚，屬於鹹鹹香香都有芝士味，都算幾唔錯30幾蚊好多料好大杯！推薦指數: 7/10大大杯都幾抵飲嘅，你話味道係咪真係好好飲我又覺得還好中上質素但未去到好飲到下次再買一杯。下次都會諗吓買唔買，始終葵廣好多茶飲舖頭都好大競爭！

葵涌廣場一樓新開一間茶飲店，一上電梯便會看到。茶飲的種類選擇很多，有奶茶、芝士奶蓋、健康多多、綠茶、拿鐵、檸檬茶、紅茶等等，全部即叫即製，真材實料。購買兩杯茶飲可參加一次輪盤抽獎，有機會贏取大獎或者賺取額外積分印花。芝芝芒芒奶蓋冰 - $38厚厚的芝士奶蓋質感好濃稠絲滑，入口有芝士的微咸和重奶香；中層的鮮芒果打碎製成的芒果汁好酸甜清新，夾雜少少綿密的沙冰好冰爽，還有不少晶瑩剔透的QQ蒟蒻和芒果肉。洛神金桔青檸蜜 - $30淡雅清香的洛神花茶，有著淡淡的酸甜，搭配金桔和青檸蜜，酸甜變得更有層次，營養豐富又健康。

Tried the 芝士芒芒奶蓋冰一聽落去感覺有啲似喜茶而且望落都有啲似呢杯無得揀少冰而且最多得少甜首先試左個奶蓋奶蓋鹹香十足都算creamy Not bad not bad 芒果呢都幾新鮮感覺就唔似罐頭芒果或者浸咗糖水只不過最可惜嘅一點就係加咗椰果雖然加咗椰果嘅口感會更加好但係椰果太甜搶晒啲芒果味不特止而且仲令成杯野太甜所以敗筆之處就係椰果不過我會俾個機會佢再試一次但係一定要走左佢 😂😂😂呢次就不過不失啦。

呢排天氣開始愈黎愈熱🥵最啱就係飲番杯台式飲品解暑😌呢日去左葵廣，揀左呢間係當眼位置既台式飲品店，叫左兩杯飲野降溫😆見到個menu咁多款式，真係樣樣都好想試🤭芝士奶蓋橙紅茶-佢個奶蓋厚厚一層😍奶味仲好香濃，好邪惡😜另外估唔到佢真係有d橙粒(好多!!!!)，即刻感覺上健康番d😂飲完真係覺得好豐富😂😂洛神柑桔青檸蜜呢杯味道酸酸地，勁開胃，解暑一流👍🏻👍🏻而且真係有一階青檸係入面，真材實料😃仲要好大杯，正👍🏻

葵廣出名多食店 不少特色小店都駐守在此。 最近去開發現 電梯邊開左依間手調飲品。 其實主要俾雪櫃入面 同外面裝飾既熊仔🐻吸引。 店舖除左般既水果茶 珍奶等 仲有一早準備好既樽裝飲料 ， 樽裝飲料外表都係熊仔黎 相當吸晴。 不過樽裝飲料款式唔算多同埋口味都係大路既， 口味有3款 ： 熊仔奶茶、 玫瑰蜜桃洛神花茶、熊仔玄米綠茶。 名稱下更加列出飲品既好處， 岩哂健康人士/選擇困難症既朋友今次買左熊仔奶茶。價錢都唔算貴-$20 ， 咁既價錢如果以包裝份量黎講都算抵。 熊仔奶茶，即係其實係錫蘭紅茶加奶。 影完好多熊仔樽打卡照就試下味道。 味道偏甜同奶味幾重， 比想像中一般。 望到幾多人中意買洛神花茶， 感覺應該會比較好啲 ，下次可以再有機會試下

如果支持collar，而當中又比較支持Day嘅，一定要黎葵芳廣場1樓十字路口嘅台式手搖店🥤🍹 我今次行過就試咗呢兩杯：1️⃣ 芝士芒芒奶蓋冰($35)見到店舖咁大個手寫「無敵奶蓋 一試難忘」嘅promotion board，點都要order翻一杯「少冰、少甜」嘅奶蓋試試😛 未攪勻之前有一層約3cm厚嘅奶蓋係頂，我好奇地飲咗一啖純奶蓋，鹹鹹地之餘，個芝士味頗濃而單飲都竟然唔「漏」😳🙌🏻 同其他手搖店唔同嘅係呢間嘅芒果肉有兩款口感：一款係平時最常見嘅芒果果粒，另一款係較軟爛、偏熟嘅芒果果肉🥭 我自己比較鐘意後者嘅質地☺️2️⃣ 凍蜜桃水果QQ紅茶($30)呢一杯同樣叫咗「少甜、少冰」，盡量減少糖分嘅攝取🫣 紅茶底飲落順口，不苦澀，亦有淡淡的水蜜桃香，呢一杯紅茶主要嘅甜味全係來自於沉積係底部嘅QQ果凍，咀嚼果凍嘅時候就會有甜味滲出來😗

前日趁住長假期，又去咗葵廣掃街😗 葵廣不嬲都好多台式飲品店，今次就試咗間新開嘅台飲店，純粹因為見佢個牌寫住「無敵奶蓋 一試難忘」咁就要試試味啦！男友鍾意飲奶蓋茶，諗都唔諗就嗌咗杯芝士奶蓋鐵觀音！飲奶蓋茶一定要做嘅步驟就係：打開個蓋，就咁飲啖佢啲奶蓋先😋 非常厚身同幼滑，芝士味都幾濃，但又唔會好膩，真係幾好飲🤩 再夾埋冰凍嘅鐵觀音茶一齊飲，剛剛好！另外，我就嗌咗杯蜜桃紅茶，感覺無咁肥🫣 估唔到佢啲水果茶都好足料，除咗加入新鮮嘅果肉之外，仲有幾乎佔咗一半嘅QQ蒟蒻，每一啖茶都有好多料可以咬下，$30真係幾抵飲😎總括而言，呢個台式飲品店幾推薦比大家，飲品唔算好貴，但就比足料😝 而且佢間鋪仲set咗個細細哋嘅影相位比人打下卡📸 買完嘢飲仲有得轉輪盤抽下獎，有得飲又有得玩🤣

葵涌廣場多美食應該無人不曉，一段時間沒到訪又有一堆美食新力軍進駐，其中包括不少茶飲店，正值初夏時份，天氣變得悶熱起來，正好可以來這邊買台飲來消暑一下芝士藍莓奶蓋冰 $35凍草莓丁丁鮮奶 $30這次選了兩款以莓果類做主角的飲品：芝士藍莓奶蓋冰跟凍草莓丁丁鮮奶～聽店員介紹店家的芝士奶蓋是採用安佳忌廉芝士，而且還是每天堅持新鮮製作，是店家的signature之一，絕對要來一杯啊！先來一口芝士奶蓋，質地幼滑，鹹香味十足又夠綿密，份量不少，十分推薦🧡 裡頭還有粒粒煙靭蒟蒻，加上冰凍的藍莓沙冰，不太甜，清爽滋味～而另一杯就會偏向甜香跟細膩的口感，因為用上士多啤梨果肉汁跟鮮奶攪拌的士多啤梨奶，再加上士多啤梨果肉跟滑溜的雞蛋布甸， 味道香甜濃郁❤️店家處於葵涌廣場內的當眼位置，以草原色系作門面，清新有活力，其中一面櫃身貼滿飲品照相片，鮮艷豐富，客人就可以一目了然知道飲品的樣子是怎樣的而且還會不時推出新搞作如推出熊仔樽的花茶及奶茶、抽獎優惠等吸引客人，價錢相宜份量十足，下次去葵廣掃街時可以去買一杯台飲充充電！

呢日收工突然又掛住葵廣掃街就去買一堆番屋企食，經過呢呢間台式飲料店又想飲珍奶😂就買來試下☺️.🧋youtea forever $28呢杯我見招牌要點來試下，奶茶有仙草、咖啡凍、珍珠超級正滿足哂所有願望仲要價錢親民🤩點了少甜剛好，奶茶幾細滑，飲一啖有齊三款配料好豐富全部好q彈口感不錯，好喜歡加了咖啡凍同奶茶勁match，大滿足🥰.🧋芝士奶蓋烏龍茶 $30面頭勁多奶蓋🤩仲要相當不錯味道濃厚口感細滑，烏龍茶底也要一讚好好飲味道好出，不過買完後店員話要快啲飲否則味道就無咁正啦.而家熱辣辣，咁岩來葵廣掃街食到口渴滿推介來呢到買番杯台飲，價錢親民款式又多又足料質素相當不錯👍🏻

建議：鍾意#茶濃 既話，烏龍茶底唔錯🤎出到葵廣又係時候#掃街 ，今次係一樓見到轉角位開左間新茶飲店，店主話舖頭只係開左2️⃣個月左右，係收銀隔離仲有個牌寫明#無敵奶蓋 🥤作為#奶蓋控 當然要#試伏 🤍 今次試左：▫️芝士奶蓋烏龍茶＋珍珠 (少冰走糖 HK$30+4)最正係烏龍茶底真係好夠濃，飲落有少少回甘👍 不過奶蓋份量就比較少，飲落唔係太厚身，有啲偏稀🙈 芝士味都唔係好重。另外，如果叫少冰奶蓋會溶得快啲，而且茶底係熱既 😂 所以記得開蓋飲啖奶蓋先再攪勻飲。珍珠咬口唔差，份量同軟硬度適中，仲有輕微既甜味，配埋濃茶底幾好🥤配料既選擇亦都幾多：有愛玉凍、布丁、小芋圓等等💜 除左茶飲，舖頭仲有熊仔樽裝冷泡茶同奶茶，價錢唔算貴 HK$20一枝。#情報開心Share▪️買1️⃣杯茶飲再Follow艾豬 或者買2️⃣杯茶飲就有得玩一次輪盤抽獎😂 有24分之1既機會會中大獎/ 大概5分1既機會多1-2個積分印仔▫️👩‍🏫🧑‍🏫學生優惠3️⃣選1️⃣：九折、免費加配料 同玩一次輪盤抽獎 🎰

雖然天氣不似預期⛈🌂，但無礙行街心情👢👜❤️可能正正係因為落大雨，葵廣比平時少人，行起上嚟都特別舒服😆行到咁上下見有啲口渴，就諗住買杯野飲。行過葵廣既朋友仔都知，葵廣都幾多茶飲店。而今次我哋揀咗之前未試過既YOUTEA FOREVER。第一次幫襯，梗係要試吓佢杯YouTea Forever啦🧋奶茶入面有3種配料: 珍珠，仙草&咖啡凍。珍珠幾煙靭，仙草和咖啡凍好清爽。而且份量都好足，每一啖都會飲到，正☺️ 另一杯叫左🍓草莓丁丁鮮奶: 草莓鮮奶+布丁🍮，味道香甜濃郁❤️布丁夠滑👍🏻 飲完杯嘢飲其實都幾飽🤣🙈叉完電繼續shopping😳😆