影片
终于有机会去葵广试到奶盖关注组热捧既Youtea Forever啦🤤听闻佢地既芝士奶盖真系好正，咁当然要试下啦见到佢地奶盖系列主要有茶底同水果沙冰底，谂左好耐决定试下比较少见既橙红茶底。所以点左:=芝士奶盖橙红茶=茶底既橙味好出，仲有啲橙粒粒系入面，清甜唔酸，叫微糖啱啱好，好适合热天饮👍🏻个奶盖真系不得了，睇相就知真系比得好重手，又厚芝士味又浓，而且意外地同橙味系好夹，真系好好饮有机会既话会想试下佢地其他饮品，呢个质素好值得Encore
继续阅读
专登去葵广试好多人推介嘅Youtea。Openrice search过，价钱加幅好犀利， 芝士芒芒奶盖冰5月时系35元， 6月时系38元， 今日已经去到40元😑🙄。 因为觉得太贵，所以转饮咗芝士奶盖茉莉绿茶。 加幅真系太多。😫不过因为山长水远走入新界，所以贵咗都试下啦😌 芝士奶盖茉莉绿茶， 走冰，店员话因为啲茶好热，所以尽量少冰。我有叫多奶盖，店员都好好礼貌话可以😊。原来我少同多嘅概念同店员系完全相反😂。芝士奶盖份量当然唔能够同茶色生香比，已经多咗啲？！一入口系有阵咸香，芝士味都适中。不过佢啲冰真系超级多😑😑😑🙄🙄🙄，我明明系嗌少冰，但系佢有成半杯冰👎👎👎。如果真系用热茶冲落去，啲冰唔会多到咁。店舖嘅销售技巧真系又呃到我，不断中伏。 杯嘢劲快就饮完，全部都冰。 性价比极低，下次都系嗌返其他可以就冰嘅茶饮店冰就嚟到杯底饮完仲有半杯冰
继续阅读
星期一饮番杯醒醒神🤣呢间奶盖真系好好饮好厚好足料，自从试过呢间之后，暂时冇第二间可以取代❤️今次两杯都系奶盖😋😋芝士草莓奶盖冰💕芝士芒芒奶盖冰💕奶盖好厚，占左杯身1/3，第一啖就饮到好重芝士味，小小咸咸，停唔到口。就算饮到尾，依然饮到奶盖，唔会被冰溶左之后沟淡左。草莓果杯酸酸甜甜，有小量草莓肉，杯底仲有一粒粒椰果，好有咬口，冇咁单调。芒果好有芒果味，有小量果肉，碎冰打得够碎，唔会食到一粒粒冰。
继续阅读
放工睇戏，梗系要来葵涌广场扫街啦。 我最近见到有间新开嘅饮品店，于是就过嚟睇吓。见到佢哋用熊仔胶樽装住奶茶、洛神花茶同玄米绿茶，都系$20一支非常抵饮。 如果想饮新鲜即冲嘅饮品亦都可以即场叫，何以叫少冰、少甜、走奶等服务。非常体贴。每一次买嘢仲有幸运轮抽奖，有机会再多一杯饮品。 柠檬金柚QQ绿茶 $30少少酸带点甜味, 好重柠檬味. 非常新鲜再加埋QQ嘅透明水晶, 非常好咬同好饮。芝士奶盖铁观音 $33该店嘅招牌饮品就喺芝士奶盖系统，一定要叫来试试。 芝士非常香浓，唔会太苏。 奶盖非常重香浓嘅牛奶味， 铁观音亦都好有茶香。 三样味道Max埋，简直系绝配。 仲可以叫店员调配你喜欢嘅味道。下次再嚟葵广一定会再嚟帮衬, 因为太好服务而且饮品非常足料，极力推荐比大家。
继续阅读
葵广真系成日都有好多唔同嘅新铺开，今次嚟到见到呢间茶饮店新开都几多人买，OpenRice上面嘅好评都好多，咁一定要试吓啦！🍴 芝士芒芒奶盖冰 $38 (7/10)冇谂过有寒天粒粒！🤣有好多寒天，口感Q弹好爽口，仲有真芒果粒粒，芒果汁有芒果味不过唔算太浓，唔算太假，甜甜地，个人觉得走甜都甜咗少少。芝士奶盖都厚，属于咸咸香香都有芝士味，都算几唔错30几蚊好多料好大杯！推荐指数: 7/10大大杯都几抵饮嘅，你话味道系咪真系好好饮我又觉得还好中上质素但未去到好饮到下次再买一杯。下次都会谂吓买唔买，始终葵广好多茶饮舖头都好大竞争！
继续阅读