Y Pasta (已搬遷) 新店位置

餐廳位於駱克道 The L. Square 14/F，裝修以白色牆身配襯藍色、木色座位，整體氣氛輕鬆、寫意。海膽意大利飯釀北海道赤魷魚 ($198) - 爽口彈牙嘅赤魷魚筒入面係口感軟熟味美嘅意大利飯，魷魚鬚炸得香口鬆脆，配上滋味嘅海膽汁及新鮮爽口沙律，既豐富又好味！紐西蘭鑽石蜆配蒜香牛油檸檬意粉 ($148) - 紐西蘭鑽石蜆大大粒脹卜卜，味道十分鮮甜，加上鮮嫩蘆筍，意粉微帶點咬口，以蒜香牛油味烹調，食時加點檸檬汁，鮮味之選！菊花杞子蜜 ($28) - 天氣乾燥，飲返杯熱嘅菊花杞子蜜，明目又滋潤！呢餐環境舒適、坐得舒服、食物又味美，絕對係同區中一個唔錯嘅選擇！

約左朋友食飯，佢請客所以比朋友揀啦，我揀唔係幾好意思咁，食之前冇上黎睇過任何評價，冇期望咁入黎，睇下會唔會有驚喜。地埋位置還好，唔難搵！入到去餐廳環境還好，地方唔大，都唔少枱，枱與枱之間行到路，但二人一定要你搭枱，呢個位感覺唔好！打開餐牌，都係大路嘅食物，價錢中位，唔特別平。我睇呢間賣點應該係意粉，因為你可以任配任何類型的意粉，而且選擇頗多！叫左兩個小食，第一個係炸雞脾菇，超級好吃！本身炸雞脾菇好容易做得好吃，呢個最特別係旁邊的醬，係拉絲芝士，本身粉漿唔厚，香脆可口，加埋芝士變得極度惹味！不過一定要趁熱食，一凍左炸粉立即變淋，變得難食！第一道菜非常驚喜，可惜後面都教我失望。青口，都唔好話鮮唔鮮甜，細到冇咬口，食唔出感覺，我寧願比少d份量但質素高一點。食過好幾間，可能價錢貴差不多一倍，但份量同質素多一倍有多！最後意粉，係有冬蔭功味，但就係咁嘅味，冇咩特別！另外要談一談這裡的服務，服務生只有一個，都夠用，不過服務生好奇怪，佢雖不是黑口黑面，但好似唔願開口咁，而開口講嘅說話會讓客人唔舒服，但你又唔係覺得呢個人特意冇禮貌喎，總之就係唔舒服！Encore機會較細！

呢到既意粉有al dente質感😍醬汁嘅份量都控制得好好👍🏻冇諗過parma ham同黑松露醬汁嘅味道都幾夾😋黑松露味超重超足料🤤另外叫嘅蟹肉意粉都非常有驚喜🤩鹹蛋黃x蟹肉x蟹子粒=🌟🌟🌟醬汁同材料嘅份量都係啱啱好 啖啖蟹肉 口感豐富😻個人覺得y pasta呢到有幾多fusion嘅意粉下 餐牌見到有冬陰公意粉 下次試下先！.where’s your go-to place to satisfy your pasta cravings? i’d definitely recommend you to check Y Pasta out! both pastas we ordered were truly excellent to the point that we finished the entire plate😅 the truffle pasta with parma ham was unexpectedly delicious😋 the crabmeat pasta with salted egg yolk sauce was also very unique in a way

銅鑼灣上樓的一家專門吃意粉的店 黑板上都是精選套 首先海膽意大利釀北海道赤魷魚非常滿意，魷魚裏面的飯釀得非常濕潤魷魚非常煙硬旁邊還有炸魷魚鬚配上他們自家製的醬料，很不錯之後又點了卡邦尼意粉，客人可選擇不同的意粉我選了米仔粉 非常香濃的菇味 像米飯一樣 份量也非常足夠還有點了一杯特飲叫阿梅聽到名字也知道是很酸的飲品他是用話梅製成的整體來說很適合兩個朋友來聊天的好地方最特別的地方是他們店可以選擇你喜歡的意粉種類來製作意粉價錢適中 地點方便

由於是下午4時多左右去，只有我們一枱，很安靜。看到其他食評Lunch很多人。為於鬧市的14樓，很安靜，是一番很不同的感受。員工都靜靜的準備廚房備料，感覺認真。感到侍應個性友善，但可以更熱情。(香港人通病，不是害羞，但不善溝通表達)餐具有自己LOGO，很有自家品牌的感覺。說回食物香蕉熱香餅配雪糕這款反倒是我最欣賞他們的一道菜式。熱哄哄均勻的 pancake，展現了當中的用心。 雪糕忌廉香蕉和pancake互相爭艷綻放，但融為一體。Pancake夠厚身，不會吃空氣。巴馬火腿pizza火箭菜再加上parma ham的鹹香，香口。卡邦尼意粉這款放最後，是因為怕別人以為我給差評。卡邦尼意粉是我很喜歡的一款意粉。因為吃的正是蛋黃及芝士的香氣，蛋香很重要。(但先聲明，我不是達人，是一位平民感受)談不上失望，但這款相近煙肉蘑菇意粉，味道合格正路，只是當時想吃的非這款卡邦尼。大多香港的卡邦尼都是變奏了的版本，而這款不例外。但變奏了不一定差，也有吸引的地方。這款是好吃的，但非蛋香。手工意粉，或自己品嘗不多手工意粉， 未能感受到當中的驚豔之處。(如第一次喝精品咖啡，很不同。如第一次吃了較好的壽司，而不能再接

銅鑼灣食肆林立，好多都是連鎖集團經營。由於租金貴，小店的生存空間越來越小。今次這間餐廳是第一次食，裝修簡單，看似是小本經營，就支持一下！龍蝦湯加酥皮好耐無飲過酥皮湯！酥皮焗到微微金黃，好鬆化，龍蝦味道濃，好滑，連湯飲熱辣辣好滋味見到這個廚師推介的餐牌，食物好吸引咁！海膽意大利飯釀北海道赤魷魚$198這個是廚師推介，一望到個名就好想試！海膽意大利飯釀入左魷魚內，一切開見到釀到滿滿的！每一啖都有魷魚的彈牙和海膽意大利飯的香味！啱曬鐘意多餸少飯的我！！香蒜白酒煮藍青口$88青口份量合理，配上檸檬汁好清新，青口肉算嫩阿梅$48叫左杯特飲，其實係話梅加青蘋果，飲落酸酸地好清新見到隔離枱叫左26oz 肉眼扒，要預先預訂，望落幾吸引，下次如果人多可以試下！

朋友帶我嚟，話依度既意粉好味🤔🤔食完之後，發現佢真係冇介紹錯！望住個lunch Menu有好幾樣都有興趣想試吓。我要咗個忌廉菠菜煙三文魚意粉好好味！ 賣相已夠搶晒分。份量ok多，食完超滿足😋😋好鍾意佢啲菠菜同煙三文魚味道非常之夾，而且係切碎左嘅，方便食之餘，又可以夾着多啲汁，同埋洋蔥粒👍🏼👍🏼個忌廉汁好好味，唔會太咸，又唔會太甜/膩，配上彈牙嘅意粉，正！另外朋友叫咗冬陰公海鮮pizza我都食左一塊，好味呀！ Pizza薄薄地，即叫即整好鬆脆而且上面啲芝士同海鮮料都幾多，有蝦啦、魷魚、帶子等等。冬陰公味加海鮮👍🏼👍🏼南瓜湯幾傑身！creamy👍🏼感覺超多南瓜蓉🤤🤤🤤🤤最後歎埋我杯靚靚rose latte聞落好香玫瑰味～ 飲落好smooth. 😌😌唔會太甜，值得一試

朋友學完塔羅牌要揾人練習，叫到我幫手就一定要去，佢搵咗一個銅鑼灣地區嘅餐廳食西餐，今晚唔係好多人，都幾適合玩占卜。今晚叫了原條蒲燒鰻魚溫泉蛋米仔粉，都幾大條鰻魚，味道幾香，第一次食米仔粉幾得意，配上溫泉蛋，多汁，有少少似意大利飯。加$42可以跟餐配沙律同飲品，沙律菜新鮮，份量多。香草雞翼好入味，配有沙律菜不錯。另外加左個飲品茄紅夏日，有新鮮小蕃茄在入面，味道清香，鍾意食蕃茄更加好。食完朋友話吾夠，最後叫埋個甜品Tiramisu，就剛剛好大滿足。

今日同朋友嚟Y Pasta食飯 雖然係禮拜四晚 但係都幾full下 好彩我哋嚟到嗰陣 啱啱好可以坐到全間鋪頭第1001張枱 所以唔洗等 (坐低之後見到下一位客人已經要等起碼10分鐘)我地嗌咗個泰式冬陰公香辣肉碎寬麵。個意粉都幾好食 但係fusion得來有少少怪。冬陰公比我個印象一般都應該係要夠先夠辣先好食 但係佢就加咗啲忌廉汁黎煮 變咗少咁啲泰式風情嘅感覺 比較似鬼佬冬陰公多啲。個人比餐廳嘅意見係如果可以唔用忌廉黎煮個汁嘅話 應該會比較好食有泰式風情一啲。但係整體而言都係好食嘅 幾特別 值得一試。另外我哋仲嗌咗忌廉汁黑松露醬巴馬火腿扁意粉 跟套餐。套餐就有一個湯同埋嘢飲 我哋加咗少少錢 令到個嘢飲upgrade做紅酒。以加咗幾十蚊就有嘅紅酒黎講 呢度個紅酒真係算超級出色。另外佢個意粉嘅黑松露味超重 超足料！呢個真係超級無敵推介！小食方面我哋仲嗌咗個香辣水牛城雞塊。一般餐廳嘅水牛城雞塊都會跟sriracha sauce and blue cheese sauce。呢度嘅芝士汁就有啲稀 有少少扣分 但係個雞塊就okay好食嘅。

上星期同同事去銅鑼灣，處理完工事， 當然要醫醫肚， 經過一幢商廈見到有樓上餐廳，本著試一試心態幫襯。一上到餐廳， 感覺與樓下截然不同， 裝修主要以藍、白為主， 給我一種接近海洋感，頓時放鬆心情。打開餐牌，午餐選擇算多，與同事一人點了一個套餐，餐湯加$10轉點龍蝦湯。龍蝦湯味十分濃郁，湯內還有龍蝦肉，非常美味。羽衣甘藍粟米粒金柚薄餅這個餡料配搭十分特別，本身芝士味及醬汁味香濃，而柚子就帶有清新口感，所以吃著香濃而不油膩。天多利醬燒春雞(半隻)天多利醬非常惹味，而內裡雞肉依然嫩滑，不乾不鞋口。另外，伴菜亦不遜色，沙律菜夠新鮮。餐飲分別點了香蕉忌廉朱古力，配有新鮮香蕉，飽足感十足，及薄荷朱古力，薄荷味道夠清新。最後跟餐還有甜品奶凍，在銅鑼灣以這個價錢能食到這樣豐富的午餐，性價比確實高。

做facial前黎自私食聽聞呢間餐廳嘅意粉自家製本來想黎一探究竟嘅點知上到黎，俾個黑板嘅廚師推介吸引左最後竟然食左意大利飯😂呢個海膽意大利飯配北海道赤魷魚聽落去好高膽固醇呀！但又想試下🤤🤤🤤黎到都幾驚喜本來驚食唔晒原來一人份剛剛好賣相好靚沙律菜好鮮甜爽口Balance返個罪惡感仲有脆炸過嘅魷魚鬚都好香口主角赤魷魚唔會好韌但保持咬口將意大利飯釀到其中令魷魚脹卜卜，更吸晴！意大利飯生熟度剛好，不會咬到牙都軟海膽味不算太濃，感覺不錯Early dinner 好寧靜~

銅鑼灣餐廳林立，這天行完銅鑼灣之後，便來到L. Square 覓食。餐廳位於14樓，一出電梯就是 Y Pasta 餐廳。餐廳環境舒適，有落地玻璃景觀一流。黑板上有特別推介。太陽蛋三文魚pizza 惹味煙三文魚加上濃郁芝士，中間位置加入雞蛋焗至半熟，點脆卜卜既Pizza簡直一流。紅酒燴牛肉牛肉味濃郁而且充滿酒香，醬汁加上薯蓉非常可口。香草醬帶子意粉帶子大大隻，而且非常爽口，香草醬味道同意粉配合得天衣無縫。一口西多（榛子醬)配雪糕西多士切成細細粒炸成金黃色，麵包香口，內餡有榛子醬，配上雪糕，絕對係美味嘅飯後甜品。玫瑰蘋果酥配雪糕外型吸引，烤得酥酥脆脆的餅皮配上酸酸甜甜的蘋果片，味道很夾。茄紅夏日車厘茄加上梳打水味道清新。阿梅酸梅配上青蘋果，酸酸甜甜非常醒胃。

銅鑼灣向來都係各西式餐廳的龍虎必爭之地，今次同事推介的是位於樓上餐廳的Y Pasta。我點了午餐中的香煎比目魚柳配配焦糖紅洋蔥車厘茄，香煎比目魚柳煎得外皮香脆，肉汁仍保持鮮嫩多汁，配上相當開胃的焦糖紅洋菜，能令味道更上一層樓。另外同事點的是，紐西蘭鑽石蜆辣肉腸茄蓉意粉，辣椒味不濃，怕辣的人也不怕，辣肉腸的調味亦相當不錯，很吸味，咬埋相信爽口，一食就相當回味。最值得一提的是餐湯，蘑菇忌廉湯味道十分濃味，作為開胃餐湯相當成功。埋單人均百多元，合理價格，質素卻相當高。

今日在灣仔上堂後，約了舊機構男同事來吃餐晚飯，順便分享近況，當然要選一家坐得舒適的餐廳吧！看到網上的圖片，這家Y pasta的環境頗闊落，所以便來這裏了。海膽意大利飯釀北海道赤魷魚我這客意大利飯賣相很精緻呢，而且意大利飯細心地釀入魷魚筒內，令意大利飯充滿魷魚香味，而且又有濃郁的海膽味，最欣賞是有豐富的沙律配菜，果然是精選！原條蒲燒鰻魚溫泉蛋米仔粉看見原條鰻魚上時，心裏又驚又喜，啖啖肉，實在令人垂涎三尺，而且米仔粉沾有濃濃的鰻魚汁，加上口感獨特，頗為不錯。士多啤梨奶昔據友人所說，這杯奶昔味道濃郁，而且奶和士多啤梨的份量剛好，絲毫沒有喧賓奪主的感覺。這家餐廳性價比不錯，下次可以再約其他朋友來試試其他創新菜式！

早排同家人食飯我地來左呢間食好耐之前食過唔錯環境呢度好舒服幾relax太陽蛋煙肉三文魚pizza $132呢個好多料好香好好食個底好脆香草醬帶子意粉$153帶子好大粒煎得好香個汁超好食香草味好濃加咗啲松子仁好好食紅酒燴牛肉$178紅酒味好特別阿梅酸梅同青蘋果mix埋一齊好清新fresh一口西多（榛子醬）配雪糕$88唔太甜炸得好香玫瑰蘋果酥配雪糕$78用蘋果片切成玫瑰形狀賣相相當吸引味道好好食唔太甜茄紅夏日車厘茄配梳打水估唔到好好飲呢個幾特別