Wonderdog (已結業)

這晚跟食友們在銅鑼灣吃了第一攤後, 看大家都好像還未飽的樣子, 大夥兒便開始想著繼續去哪裡進行我們的第二攤了. 不過這個時候說要每人再來碗粉麵嗎? 又好像太多了. 去街邊掃小吃嗎? 我們又想坐得舒服點傾下計. 大家正在苦惱著之際, 其中一位食友彈出一句: 最近我在希雲街那邊發現了家有趣的熱狗店, 不如去望望? 大家聽罷好奇之心又響了起來, 便一致讚成走過去試試. 此時路盲的宅女便心想: 希雲街? 到底在哪裡?花了約15分鐘, 跟著友人由時代廣場穿過希慎, 再經過了聖保祿學校, 便來到人煙稀少的希雲街. 看看周圍, 小小的一條街上滿是特色小店, 有吃PIZZA的, 有吃韓國菜的, 也有不少甜品乳酪店, 再走前一點便會看到老字號的丹麥餅店和最近連SAD神奇洛李維斯都有光顧過的拉麵JO. 這晚來到看見周圍的食店內食客都不算多, 想不到平時人多車多的熱鬧中心銅鑼灣, 原來另一邊藏著個這樣優靜的小天地.我們晚上8時多來到門口, 看見店內真的一個人都沒有, 走進去有點像包場的樣子, 此時心想: 一個人都無, 會不會是伏? 再好奇望望貼在門口的雜誌報導, 原來這家熱狗店是由曾跟蘇絲黃搵過食的DJ泰山

之前佢下午茶時段做特價, 唔知係咪仲做緊... 去到聽到店員話買二送一, 初時以為係叫2個餐送1個熱狗, 點知原來係買2個餐送多1個餐!! 結果我地2個人食咗3個餐, 勁飽! ALL DAY DOG -- D材料好似平日食ALL DAY BREAKFAST咁, 味道稍淡. MUSHROOM DOG -- 味道都唔錯, 幾多菇. KIMCHEECHEE -- 用泡菜做餡, 呢個最惹味好味, 推介!! 因為有三個餐, 所以飲品我地叫咗咖啡、汽水&洋蔥湯, 洋蔥湯以快餐來說算OK. 小食就叫咗兩份薯條&一份沙律, 薯條都幾香脆, 可以一試. 以$130有三個餐來說, 真係抵到爛, 但一般又好少會三個人去食嘢 (同場另外有兩PAIR人, 又係食緊三個餐...), 所以話好吸引咩... 又唔算...... 寧願店方平$10好過......

知道最近開咗間熱狗店，令我回想美國Topdog. 真係好掛住 Topdog D 熱狗。黎到當然要試試佢地的 Classic 熱狗, Classic with a Twist。加10 可轉combo。味道唔差，但係就無什麼特別。可能自己其望太高。佢地用嘅包，我覺得有少少硬。同老闆講過，佢地話要有這個硬道嘅包先可以盛住噤多醬汁.下次去試吓其它口味, 希望有唔同的感覺

因為看到雜誌知道 DJ 泰山在銅鑼灣附近開左間熱狗店 Wonderdog 而慕名去拜訪下。 (劉生睇雜誌以為泰山係阿 BOB )而家好食既熱狗真係買少見少，令我最印象深刻既係係炮台山既 toppings 熱狗店，佢有我最愛的配料-- 磨菇片，煙肉碎，芝士碎等。。。通通可以讓客人任加！就連香腸都有十款可以選擇！可惜生意太好，小舖變大舖之後，價錢貴左，配料又唔同晒，吸引度大不如前，結果。。執埋！Wonderdog 位於希雲街，原來附近亦都有唔少特色既小店，下次可以黎呢邊開餐了！ 今次點左個 HK BOLOGNESE 熱狗 ($58) 加 $10 有薯條，汽水或是日餐湯。HK BOLOGNESE: HK BOLOGNESE 即係港式意大利肉醬加上車打芝士， 熱狗賣相不俗，而且份量都唔細，一個人食晒成個餐一定夠飽！香腸一般為法蘭克福香腸，另有維也納腸可供選擇， 但以熱狗為主打的店，香腸既選擇實在太少！今次試法蘭克福香腸，香腸算 JUICY 但無驚喜。薯條雖微溫但仍脆口，配上自家奇樂醬味道更好！是日餐湯係洋蔥湯， 有點兒像羅宋湯，不太咸可以解解喝。整體味道可以，但以單購熱狗$58 既價錢感

買左本雜誌睇，其中有幾版介紹泰山開既呢間熱狗店，比佢既特色熱狗吸引左。於是星期日晚同情人睇完戲去左試下。店鋪位置較難揾，建議事前google左先星期日晚冇乜人，加上間鋪只開業約個星期，未有咁多人識，去到唔洗等位。鋪面細細，有bar 枱同普通餐枱，約廿個位左右。埋去同泰山order 左兩個熱狗combo( 熱狗$5x - 60 一個，加$10 轉combo 有薯條加汽水一罐) , 一個係車打芝士肉醬味，另一個係照燒汁洋蔥牛肉味。同情人share 兩個餐所以兩種口味都試到 先講薯條， 比一般老麥薯條幼同脆口，份量就比老麥薯條少三成左右。薯條最大既特色係配蘑菇醬食。蘑菇醬味道好香，同薯條好夾，不錯。但食得多就發現薯條味道偏咸，有待改善。再講主菜熱狗，呢間鋪既腸仔係用比較幼身既脆皮腸，而唔係平時食開個d粗既熱狗腸，可以。而車打芝士肉醬放落熱狗原來好夾，肉醬味道適中，唔會太咸，但係另一半就覺得可能芝士加埋肉醬好膩，唔食得多。再講照燒汁洋蔥牛肉味，照燒汁似日本菜既燒汁，但係唔會太甜，而洋蔥同牛肉煮得好林，洋蔥亦冇嗆鼻既味道，怕食洋蔥既朋友都可以試下。本人就講得呢種口味同熱狗唔太夾，但係情人就幾

一眾DJ大力推薦下，嚟咗試呢間泰山開嘅Wonderdog 平時見佢地擺泰山煮嘅餸d相出黎，睇到人流哂口水～所以對呢間店有信心 店面唔算大，約二三十個座位（估計 : p），3pm嚟到都有三、四檯客人。店內一邊係四方檯加凳，一邊係面向牆既高凳，由於四方檯有人坐咗，小妹同友人就坐高凳啦～可能太矮小，我地上落係有d狼狽嘅！LOL 我叫咗呢個　Mushroom Dog（蘑菇　木耳　焦糖洋蔥　車打芝士　Wonder Sauce）好味道！首先本人係蘑菇fans所以已經好鍾意，呢個加埋木耳，多咗份爽脆，好特別 朋友叫咗HK Bolognese（港式意大利肉醬　車打芝士）我地都覺得包面烘得好脆，好味道～跟餐嘅薯條都好鍾意！比平時快餐店嘅薯條多咗種香味架！好味～～～薯條份量唔太大，唔錯～因為平時快餐店食一個餐飽死，呢個反而啱啱好，唯一意見係好似有少少攤凍左，如果可以熱d就好喇。另外我飲嘅Cappuccino，我覺得係有驚喜嘅，奶泡比星星嘅仲要滑！咖啡味道亦都係我鍾意嘅～唔知點解就係覺得好好飲～（恕我詞窮未能完全表達 / _ \）小小意見：坐正風口位都幾大風，吹凍咗d野食 總括：一定會再嚟！好想試埋其他味

So on a "hea" weekend, i went to this new hot dog shop around the corner at around 3pm. I am not a big fans of hot dog but the menu attracted me to go in and have a try. They have a selection of sausages and the the toppings of the dogs are interesting and unexpected. Found this one called "Kimchee chee" and since i am a fans of kimchi, i gave it a try. to my surprise, it taste good! haha.. i never thought of mixing kimchi with hot dog but somehow it worked. I ordered the combo with fries an